ដាក់ពាក្យលឿនៗ! ក្រសួងអភិវឌ្ឍន៍ជនបទ កំពុងជ្រើសរើសមន្ត្រីជាប់កិច្ចសន្យាច្រើនរូបលើជំនាញ ៦ មុខនេះ

នៅថ្ងៃទី ០៣ ខែមករា ឆ្នាំ ២០២៥​ នេះ ក្រសួងអភិវឌ្ឍន៍ជនបទ បានចេញសេចក្តីជូនដំណឹង ស្តីពីការប្រឡងជ្រើសរើសមន្ត្រីជាប់កិច្ចសន្យា ក្រសួងអភិវឌ្ឍន៍ជនបទ សម្រាប់ឆ្នាំ ២០២៥។

ក្រសួងអភិវឌ្ឍន៍ជនបទ បានបញ្ជាក់ឱ្យបានដឹងថាសម្រាប់ឆ្នាំ ២០២៥ នេះ ក្រសួងនឹងជ្រើសរើសមន្ត្រីជាប់កិច្ចសន្យាចំនួន ០៩ រូប ឱ្យចូលបម្រើការងារតាមអង្គភាពនានា នៅទីស្តីការក្រសួង តាមមុខជំនាញដូចមានខាងក្រោម ៖

១. ជំនាញនីតិសាស្ត្រ ឬរដ្ឋបាលសាធារណៈ ៣ នាក់

២. គណនេយ្យ ១ នាក់

៣. ជំនាញផ្នែកវិស្វករសំណង់ស៊ីវិល ឬ ស្ពានថ្នល់ ឬ សំណង់ធារាសាស្ត្រ ឬ ប្រព័ន្ធព័ត៌មានភូមិសាស្ត្រ ២ នាក់

៤. ជំនាញទំនាក់ទំនងអន្តរជាតិ ១ នាក់

៥. គ្រប់គ្រងពាណិជ្ជកម្ម ១ នាក់

៦. ប្រព័ន្ធផ្សព្វផ្សាយ និង សារគមនាគមន៍ ១ នាក់

ចំពោះទីកន្លែងទទួលពាក្យ បេក្ខជនអាចទាញយកពាក្យស្នើសុំចូលបម្រើការងារតាមរយៈ QR Code ឬអាចទៅទទួលពាក្យដោយផ្ទាល់នៅនាយកដ្ឋានរដ្ឋបាល និង បុគ្គលិក បន្ទប់ ២១៧ ជាន់ទី ២ នៃទីស្តីការក្រសួងអភិវឌ្ឍន៍ជនបទ រៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅ រហូតដល់ថ្ងៃទី ១៤ ខែមករា ឆ្នាំ ២០២៥ ត្រឹមម៉ោង ១៧:០០ នាទី៕

ដើម្បីជ្រាបកាន់តែច្បាស់ សូមអានសេចក្ដីលម្អិតនៅខាងក្រោម ៖