(វីដេអូ) គ្រាន់តែ កុយ អេនណា ប្រកាសវិលចូលប្រកួតបវរកញ្ញាម្ដងទៀត អ្នកគាំទ្រនាំគ្នាជំរុញឱ្យចូលកម្មវិធីនេះភ្លាម

មួយរយៈធំក្រោយនេះ បវរកញ្ញា កុយ អេនណា កាន់តែបង្ហាញភាពលេចធ្លោរបស់ខ្លួន និង កំពុងក្លាយជាគ្រាប់ពេជ្រក្នុងចិត្តអ្នកគាំទ្រវិស័យបវរកញ្ញា ដោយកាន់តែស្រឡាញ់ពេញចិត្តនាងខ្លាំងឡើង ជាមួយនឹងភាពជឿជាក់ សម្រស់ ចំណេះដឹង សមត្ថភាព និង ទេពកោសល្យផ្សេងៗ។

លើសពីនេះ បវរកញ្ញា កុយ អេនណា តែងឆក់បានការចាប់អារម្មណ៍ និង សរសើរខ្លាំងពីមហាជនចំពោះសកម្មភាព ក៏ដូចជារូបភាពថ្មីៗជាច្រើនដែលនាងបានថតបង្ហាញពីកន្លែងមួយទៅកន្លែង ឃើញថាសុទ្ធសឹងតែរំលេចនូវសម្បត្តិវប្បធម៌ខ្មែរ ដែលនាងបង្ហាញពីគោលបំណងចង់ចូលរួមជាចំណែកមួយជួយផ្សព្វផ្សាយពីវប្បធម៌ និង វិស័យទេសចរណ៍ជាតិផងដែរ។

ស្របគ្នានេះ កុយ អេនណា ក៏ត្រូវបានមហាជនជាច្រើននៅតែបង្ហាញការស្ដាយពីសមត្ថភាពរបស់នាង ដែលតែងលើកទឹកចិត្តជំរុញឱ្យនាងវិលចូលប្រកួតក្នុងកម្មវិធីប្រកួតសម្រស់ណាមួយម្ដងទៀត និង ចង់ឃើញនាងអាចមានឱកាសឈរលើឆាកអន្តរជាតិដូចបំណង ក្រោយពីធ្លាប់បរាជ័យម្ដងនោះ។

ដោយឡែក ថ្មីៗនេះ កុយ អេនណា បានធ្វើឱ្យមហាជនអ្នកគាំទ្រវិស័យបវរកញ្ញាហាក់រំភើបចិត្ត ក្រោយពីបានឃើញវីដេអូនាងនិយាយបង្ហើបថានឹងអាចចូលប្រកួតបវរកញ្ញាម្ដងទៀតក្នុងឆ្នាំ ២០២៥ នេះ ដោយកំពុងជ្រើសរើសកម្មវិធីណាមួយដើម្បីប្រកួត និង ស្ទង់ចិត្តមហាជនផងដែរ។ ជាមួយគ្នានោះ ដោយមើលឃើញពីភាពស័ក្តិសមរបស់បវរកញ្ញារូបនេះ ឃើញថាអ្នកគាំទ្រភាគច្រើនបញ្ចេញមតិជំរុញឱ្យនាងចូលរួមប្រកួតកម្មវិធី Miss Universe Cambodia 2025 ទៀតផង៕

សូមទស្សនាវីដេអូខាងក្រោម៖