កូនភ្លាត់មាត់ប្រាប់ឪពុកថា ម្តាយទៅមើលទូរទស្សន៍នៅផ្ទះអ្នកជិតខាងរាល់ថ្ងៃ ដល់ប្ដីលួចតាមដានស្រាប់តែធ្លាក់ថ្លើមក្ដុក ព្រោះប្រពន្ធទៅលួចហូបចុករបស់ក្រៅផ្ទះសោះ

មានរឿងរ៉ាវមួយនៅប្រទេសចិន បានធ្វើឱ្យមហាជនរំជួលចិត្ត ដោយជាករណីផិតក្បត់រវាងប្តីប្រពន្ធ ដែលបែកធ្លាយដោយសារតែកូនទម្លាយថា ម្តាយទៅមើលទូរទស្សន៍នៅផ្ទះអ្នកជិតខាងរាល់ថ្ងៃ។

តាមព័ត៌មានបានឱ្យដឹងថា ប្តីប្រពន្ធមួយគូនេះ បានរៀបការជាមួយគ្នាជាង ១០ មកហើយ ដោយមានកូនប្រុសស្រី ២ នាក់ជាចំណងដៃ។ ដោយសារតែជីវភាពខ្សត់ខ្សោយពេក បុរសជាប្តីក៏បានចេញទៅធ្វើការជាអ្នកបើកឡានទំនិញផ្លូវឆ្ងាយ ហើយត្រឡប់មកផ្ទះតែ ១ ដងប៉ុណ្ណោះក្នុងមួយឆ្នាំ។ បុរសរូបនេះ នៅទាក់ទងជាមួយប្រពន្ធតាមទូរស័ព្ទជាប្រចាំ តែក្រោយមកនាងក៏មានចរិតប្លែកៗ ទើបបុរសនេះសម្រេចចិត្តមករកការងារនៅក្បែរផ្ទះធ្វើវិញ។

យ៉ាងណាមិញ ខណៈរកការងារមិនទាន់បានផង ថ្ងៃមួយស្រាប់តែបងស្រីរបស់បុរសនេះ បានខលមកប្រាប់ថា ប្រពន្ធទុកកូនចោលក្នុងផ្ទះ ២ ថ្ងៃហើយ មិនដឹងជាទៅណានោះទេ ទើបបុរសរូបនេះប្រញាប់ត្រឡប់មកផ្ទះ។ ពេលមកដល់ កូនៗក៏ប្រាប់ឪពុកថា ម្តាយទៅមើលទូរទស្សន៍នៅផ្ទះអ្នកជិតខាង ទាល់តែមកវិញបានធ្វើម្ហូប ហើយម្តាយមិនឱ្យប្រាប់រឿងនេះទៅអ្នកណាទេ។

ដោយឡែក បុរសរូបនេះក៏ចាប់ផ្តើមយល់រឿង ទើបទៅឈរចាប់ប្រពន្ធនៅមុខផ្ទះ ហើយក៏ឃើញថានាងចេញពីផ្ទះអ្នកជិតខាងប្រុសនោះពិតមែន រួចនាងក៏សារភាពថាពិតជាបានលួចផិត រហូតដល់អ្នកទាំងពីរឈ្លោះគ្នា ហើយបុរសជាប្តីក៏បានទាញដុំអិដ្ឋ ទៅវាយបុរសជាសហាយស្លាប់បាត់ទៅ។ ចុងក្រោយ ខ្លួនឯងក៏ជាប់ពន្ធនាគារអស់ ១០ ឆ្នាំ ក្នុងករណីសម្លាប់មនុស្សដោយចេតនា៕

ប្រភព៖ Soha