មានក្រុមហ៊ុនគ្រឿងសម្អាងមួយនៅប្រទេសម៉ាឡេស៊ី បានធ្វើឱ្យមហាជនអស់សំណើចមិនតិចឡើយ ក្រោយពីបានប្រគល់រង្វាន់ឱ្យបុគ្គលិកដែលដាក់ច្បាប់ឈឺ និង ដេកច្រើនជាងគេ នៅក្នុងកម្មវិធីគម្រប់ខួប ១០ ឆ្នាំរបស់ខ្លួន។
តាមព័ត៌មានបានឱ្យដឹងថា នៅក្នុងខួបគម្រប់ ១០ ឆ្នាំ ក្រុមហ៊ុនខាងលើនេះ មិនបានឱ្យរង្វាន់ដល់ទៅបុគ្គលិកឆ្នើមដូចរាល់ដងនោះទេ តែបានរកនឹកឃើញប្រគល់ឱ្យទៅបុគ្គលិកដែលដាក់ច្បាប់ឈឺច្រើនជាងគេ និង បុគ្គលិកដែលដេកច្រើនជាងគេប្រចាំក្រុមហ៊ុន ហើយសំខាន់គឺម្ចាស់ក្រុមហ៊ុនផ្ទាល់ជាអ្នកនឹកឃើញរឿងនេះ។
ក្នុងនោះ បុគ្គលិកដែលត្រូវបានរង្វាន់ ត្រូវបានគេបង្ហាញរូបនៅអេក្រង់ក្នុងពិធីជប់លៀង ដែលធ្វើឱ្យបុគ្គលិកទាំងឡាយនាំគ្នាអស់សំណើចមិនតិចឡើយ ហើយចំណែកអ្នកដែលបានរង្វាន់វិញ ក៏សប្បាយចិត្តមិនតិចនោះដែរ៕
