នៅថ្ងៃទី ២៥ ខែកញ្ញា ឆ្នាំ ២០២៥ នេះ ក្រសួងទេសចរណ៍ បានចែករំលែកពីស្ថិតិភ្ញៀវទេសចរជាតិ និង ទេសចរបរទេស ក្នុងឱកាសពិធីបុណ្យភ្ជុំបិណ្ឌ ឆ្នាំ ២០២៥ នៅតាមបណ្តារាជធានី-ខេត្ត រយៈពេលបីថ្ងៃ (ចាប់ពីថ្ងៃទី ២១-២៣ ខែកញ្ញា ឆ្នាំ ២០២៥)។
ក្នុងនោះ ក្រសួងក៏បានបញ្ជាក់ពីខេត្តចំនួន ៥ ដែលទទួលបានទេសចរច្រើនជាងគេ រួមមាន៖
១. ខេត្តសៀមរាប ២៣៨ ២០១ នាក់
២. ខេត្តបាត់ដំបង ២១៨ ៧០៦ នាក់
៣. ខេត្តព្រះសីហនុ ២១៦ ៩៥៦ នាក់
៤. ខេត្តកំពង់ចាម ២១០ ៥៧៣ នាក់
៥. ខេត្តកំពង់ឆ្នាំង ១៣៧ ៨៣៣ នាក់
គួរឱ្យដឹងផងដែរថា ទេសចរ និង ប្រជាពលរដ្ឋដើរលេងកម្សាន្ត សរុបប្រមាណ ២ ១៤៤ ២២៤ នាក់ កើនឡើង ២០,១% ធៀបគ្រាភ្ជុំបិណ្ឌ ឆ្នាំ២០២៤ ក្នុងនោះទេសចរជាតិ និង ប្រជាពលរដ្ឋដើរលេងកម្សាន្ត ប្រមាណ ២ ១១៩ ៧៨១ នាក់ កើនឡើង ២១,២% និង ទេសចរបរទេសប្រមាណ ២៤ ៤៤៣ នាក់៕
