នៅថ្ងៃទី ០៩ ខែមីនា ឆ្នាំ ២០២៥ មន្ទីរពេទ្យគន្ធបុប្ផា បានជូនដំណឹងពីករណីក្មេងប្រុសមួយរូប ទទួលបានការសង្គ្រោះជីវិតដោយជោគជ័យពីខាងមន្ទីរពេទ្យ បន្ទាប់ពីរូបគេបានកើតជំងឺតេតាណូសធ្ងន់ធ្ងរ ក្រោយមុតជើង នឹងដង្គត់ឫស្សីបាន ៣ ថ្ងៃ។
ទាក់ទិនទៅនឹងករណីនេះ ខាងមន្ទីរពេទ្យបានបញ្ជាក់ឱ្យបានដឹងថា ក្មេងប្រុសរូបនេះ មានអាយុ ១០ ឆ្នាំ មកពីខេត្តកណ្ដាល បានកើតជំងឺតេតាណូសយ៉ាងធ្ងន់ធ្ងរបំផុត ក្រោយមុតជើងនឹងដង្គត់ឫស្សីបាន ៣ ថ្ងៃ ក្មេងប្រុសរូបនេះ ត្រូវបានជួយសង្គ្រោះជីវិតនៅមន្ទីរពេទ្យគន្ធបុប្ផាភ្នំពេញ ដោយទទួលការព្យាបាលដោយម៉ាស៊ីនជំនួយដង្ហើម និង ថ្នាំសន្ដំរំលារសាច់ដុំកន្ត្រាក់ និង រលាកសួតចំនួន ៤៥ ថ្ងៃ នៅសង្គ្រោះបន្ទាន់។
ចំពោះករណីនេះ ក្រុមគ្រូពេទ្យឯកទេសសង្គ្រោះបន្ទាន់នៃមន្ទីរពេទ្យគន្ធបុប្ផាភ្នំពេញ បានសង្គ្រោះជីវិតក្មេងប្រុសបានដោយជោគជ័យ ខណៈរាល់ការព្យាបាលទាំងអស់ គឺឥតគិតថ្លៃសម្រាប់គ្រប់ៗគ្នា ដោយគ្មានការរើសអើង៕
ប្រភព ៖ Dr. Beat Richner
