ដំណឹងល្អ! អ្នកជំនាញផ្នែកកសិកម្ម ចង់ធ្វើការក្របខណ្ឌប្រញាប់ឡើង ក្រសួងកសិកម្មនឹងប្រឡងជ្រើសរើស «មន្ត្រីកសិកម្មឃុំ» ចំនួន ៣៧២ នាក់

នៅថ្ងៃទី ១៦ ខែមិថុនា ឆ្នាំ ២០២៥ នេះ ក្រសួងមុខងារសាធារណៈ បានជូនដំណឹងឱ្យបានដឹងថា គណៈកម្មការរៀបចំការប្រឡងប្រជែង នឹងរៀបចំឱ្យមានការប្រឡងប្រជែងជ្រើសរើសមន្ត្រីកសិកម្មឃុំ ចំនួន ៣៧២ នាក់ ឱ្យចូលបម្រើការងារនៅតាមឃុំ/សង្កាត់ ក្នុងក្របខណ្ឌក្រសួងកសិកម្ម រុក្ខាប្រមាញ់ និង នេសាទ។

ចំពោះកាលបរិច្ឆេទចុះឈ្មោះប្រឡងប្រជែង គឺចាប់ពីថ្ងៃទី ១៦ ខែមិថុនា រហូតដល់ថ្ងៃទី ១៥ ខែកក្កដា ឆ្នាំ ២០២៥ វេលាម៉ោង ១៧:០០ នាទីជាកំហិត។ ការដាក់ពាក្យប្រឡងប្រជែង គឺតាមរយៈប្រព័ន្ធអនឡាញ ដែលបេក្ខជនត្រូវស្កេន QR Code ខាងក្រោម ឬចូលទៅកាន់គេហទំព័រ https://go.gov.kh/era/mcs25agri ដើម្បីបំពេញព័ត៌មានសុំសិទ្ធិប្រឡងប្រជែង និង ស្កេនបញ្ចូលឯកសារតម្រូវក្នុងការដាក់ពាក្យ។ បេក្ខជនត្រូវប្រើប្រាស់លេខអត្តសញ្ញាណប័ណ្ណសញ្ជាតិខ្មែរ ឬឆាយា (ព្រះសង្ឃ) សម្រាប់ការចុះឈ្មោះ តាមប្រព័ន្ធអនឡាញ។ ក្នុងករណីមិនមានអត្តសញ្ញាណប័ណ្ណសញ្ជាតិខ្មែរ ឬឆាយា បេក្ខជនត្រូវធ្វើការ ទំនាក់ទំនងជាមួយមន្ទីរមុខងារសាធារណៈរាជធានី-ខេត្ត ដើម្បីជួយសម្រួលការចុះឈ្មោះ។

ចំពោះឯកសារតម្រូវ ត្រូវស្កេនពីឯកសារច្បាប់ដើម ឬ ពីឯកសារមានបញ្ជាក់ផ្លូវការ រួមមាន៖

– អត្តសញ្ញាណប័ណ្ណសញ្ជាតិខ្មែរ ឬ ឆាយា ក្នុងករណីមិនមានអត្តសញ្ញាណប័ណ្ណសញ្ជាតិខ្មែរ ឬឆាយា បេក្ខជនត្រូវធ្វើការទំនាក់ទំនងជាមួយមន្ទីរមុខងារសាធារណៈរាជធានី ខេត្ត ដើម្បីជួយសម្របសម្រួល បំពេញបែបបទ។

– វិញ្ញាបនបត្រ សញ្ញាបត្រ ឬសមមូល តាមលក្ខខណ្ឌជ្រើសរើសខាងលើ៕

សូមអានសេចក្ដីលម្អិតនៅខាងក្រោម ៖