មហាជននិយមតាមដានជីវិតឯកជនរបស់តារាសម្តែងស្រី អ្នកនាង កែវ ឡាវីញ ដែលជាកូនស្រីច្បងរបស់តារាភាពយន្តជើងចាស់ កែវ កល្យាណ ច្បាស់ជាបានជ្រាបហើយថា អ្នកនាង បានដឹកដៃកូនកំលោះរូបសង្ហាចូលរោងការបញ្ចប់ភាពនៅលីវកាលពីអំឡុងពាក់កណ្តាលខែធ្នូ ឆ្នាំ ២០២២ មកម្ល៉េះ។
ក្នុងនោះដែរ ក្រោយរៀបការរួចមហាជនក៏បានសង្កេតឃើញថា ជីវិតគូរបស់អ្នកនាង កែវ ឡាវីញ ហាក់មិនសូវបានបង្ហាញនៅលើបណ្តាញសង្គមនោះឡើយ ដោយយូរៗម្តង អ្នកនាង និង ស្វាមី ផុសរូប និង សាររៀបរាប់ក្នុងថ្ងៃពិសេសណាមួយប៉ុណ្ណោះ។ យ៉ាងណាមិញ រយៈពេលប្រមាណជា ១ ឆ្នាំ ចុងក្រោយនេះ អ្នកគាំទ្រកាន់តែមិនបានឃើញពីជីវិតគូរបស់អ្នកនាង កែវ ឡាវីញ នោះឡើយ រហូតមានការសង្ស័យថា ជីវិតអាពាហ៍ពិពាហ៍របស់អ្នកនាង អាចនឹងដើរដល់ផ្លូវបំបែក។
ដោយឡែក ថ្មីៗនេះ អ្នកគាំទ្រ មានការភ្ញាក់ផ្អើល និង អស់មន្ទិលសង្ស័យហើយដែរ ដោយម្ចាស់សាមីខ្លួន ពោលគឺអ្នកនាង កែវ ឡាវីញ បានចេញមកឆ្លើយតបនូវសារមួយ ដែលសរសេរថា អ្នកនាងមានស្វាមីរួចហើយ។ ការឆ្លើយតបនោះដែរ អ្នកនាង កែវ ឡាវីញ ហាក់បានបញ្ជាក់ច្បាស់លាស់ថា ពេលនេះ អ្នកនាងរស់នៅម្នាក់ឯង ខ្លួនមួយប៉ុណ្ណោះ ដោយហាក់ចង់ជម្រាបថា អ្នកនាងបានបែកគ្នានឹងស្វាមីហើយ៕
សូមចុចទីនេះ ដើម្បីទស្សនាវីដេអូ៖
