ចំពោះព្រឹត្តិការណ៍ដ៏ធំរបស់ប្រ៊េន Bulgari លើទឹកដីខេត្តសៀមរាបនៅទីតាំងប្រាសាទបាយ័ន មកដល់ល្ងាចថ្ងៃទី ២១ ខែកុម្ភៈ ឆ្នាំ ២០២៥ នេះ បើក្រឡេកទៅមើលទិដ្ឋភាពនៃកម្មវិធី ឃើញថាវត្តមានរបស់កំពូលតារាល្បីៗមកពីបណ្ដាប្រទេសផ្សេងៗ និង តារាសម្ដែងស្រី ស៊ីន យូប៊ីន បានបង្ហាញវត្តមានជួបជុំគ្នាហើយក្នុងឈុតដ៏ស្រស់ស្អាត ដែលថតរូបដើរបង្ហាញជាមួយឈុតគ្រឿងអលង្ការរបស់ប្រ៊េន Bulgari នេះ។
ក្នុងនោះ បើចាប់អារម្មណ៍លើតារាស្រីកម្ពុជា ស៊ីន យូប៊ីន វិញ ក្នុងនាមជាម្ចាស់ផ្ទះ នាងក៏បានបង្ហាញវត្តមានជាមួយការតុបតែងខ្លួនក្នុងឈុតមួយស្រស់ស្អាតលេចធ្លោខ្លាំង ព្រមជាមួយគ្រឿងអលង្ការប៊្រេន Bulgari មួយឈុតតម្លៃរាប់ម៉ឺនដុល្លារ មិនឱ្យចាញ់កំពូលតារាល្បីៗមកពីបណ្ដាប្រទេសផ្សេងឡើយ។
ជាមួយគ្នានោះ អ្វីកាន់តែចាប់អារម្មណ៍ និង សរសើរខ្លាំងចំពោះតារាស្រីកម្ពុជា ស៊ីន យូប៊ីន ដោយមិនត្រឹមតែបង្ហាញខ្លួនយ៉ាងស្រស់ស្អាតក្នុងកម្មវិធីនេះទេ តែនាងក៏បានក្ដាប់យកឱកាសក្នុងនាមជាម្ចាស់ផ្ទះ រៀបចំអំណោយរបស់ខ្មែរ មានក្រមា និង របស់ញ៉ាំប្រចាំប្រទេស ជូនដល់កំពូលតារាល្បីៗជាច្រើនរូបពេញដោយស្នាមញញឹម ទុកជាអនុស្សាវរីយ៍នៃការចង់ចាំដ៏ល្អលើទឹកដីកម្ពុជា និង អាចជាចំណែកមួយជួយផ្សព្វផ្សាយពីប្រទេសកម្ពុជាផងដែរ៕
សូមចុចទីនេះដើម្បីទស្សនាវីដេអូ៖
