មហាជនអ្នកប្រើប្រាស់បណ្ដាញសង្គម បាននាំគ្នាសម្ដែងក្ដីសោកស្ដាយ និង ចូលរួមរំលែកទុក្ខទៅកាន់គ្រួសារសព បន្ទាប់ពីមានពលករខ្មែរ ទៅធ្វើការនៅប្រទេសកូរ៉េ ២ រូប បានបាត់បង់ជីវិតនៅឯប្រទេសកូរ៉េ។
តាមរយៈការឱ្យដឹងពីស្ថានឯកអគ្គរាជទូតកម្ពុជា ប្រចាំសាធារណរដ្ឋកូរ៉េ បានជូនដំណឹងឱ្យបានដឹងថា នៅថ្ងៃទី ០៨ ខែមេសា ឆ្នាំ ២០២៥ មានពលករខ្មែរដែលមានឈ្មោះ តែម តួ ភេទប្រុស អាយុ ២៣ ឆ្នាំ បានទទួលមរណភាព ដោយធ្វើអត្តឃាត នៅតំបន់ Hongseong ខេត្ត Chungcheongnam-do ប្រទេសកូរ៉េ ហើយរំលងតែប៉ុន្មានថ្ងៃ ពោលគឺនៅថ្ងៃទី ១០ ខែមេសា ឆ្នាំ ២០២៥ មានពលករខ្មែរម្នាក់ទៀត បាទទទួលមរណភាព ដែលមានឈ្មោះ ថៃ ចន្ថា ភេទស្រី អាយុ ២២ ឆ្នាំ រស់នៅតំបន់ Eumseong ខេត្ត Chungcheongbuk ប្រទេសកូរ៉េ។
ចំពោះមរណភាពជនជាតិខ្មែរទាំង ២ រូបនេះ ថ្នាក់ដឹកនាំ មន្រ្ដី និង បុគ្គលិកនៃស្ថានឯកអគ្គរាជទូតទាំងអស់ បានសម្ដែងក្ដីសោកសៅ ចូលរួមរំលែកមរណទុក្ខ ជូនចំពោះគ្រួសារសពអ្នកទាំង ២ និង សូមវិញ្ញាណក្ខន្ធរបស់អ្នកទាំង ២ បានទៅកាន់សុគតិភព៕
