មហាជនអ្នកតាមដានកម្មវិធីប្រឡងចម្រៀងកុមារ The Kids Cambodia រដូវកាលទី ២ ប្រហែលជានៅចាំបានពីកុមារីឈ្មោះ ចាង ច័ន្ទតារ៉ាវត្តី មានវ័យ ៨ ឆ្នាំ មកពីខេត្តពោធិ៍សាត់ ដែលកាលនោះ កុមារីរូបនេះ បានបង្ហាញសមត្ថភាពបកស្រាយចម្រៀងបទ «កំលោះកូនប្រាំ» ក្នុងវគ្គ Blind Audition ប៉ុន្តែមិនទទួលបានការចុចប៊ូតុងពីគណៈកម្មការទាំង ៣ ដើម្បីមានឱកាសទៅវគ្គបន្តឡើយ។
ដ្បិតតែមិនទទួលបានជោគជ័យមិនអាចបន្តជាមួយកម្មវិធីប្រឡងទៅវគ្គបន្តទៀតមែន ប៉ុន្តែពេលនោះ ចាង ច័ន្ទតារ៉ាវត្តី ក៏ត្រូវបានគណៈការទាំង ៣ រូប សរសើរពីសមត្ថភាពនៃការបកស្រាយចម្រៀងរបស់នាងថាពីរោះ គ្រាន់តែនៅមានកម្រិត និង ទទួលបានការលើកចិត្តឱ្យនាងតូចខំប្រឹងបន្តទៀតផងដែរ។
ដោយឡែក ក្រោយបញ្ចប់កាលប្រឡងរំលងប្រមាណជា ៦ ឆ្នាំ មកដល់បច្ចុប្បន្ន ចាង ច័ន្ទតារ៉ាវត្តី មានវ័យ ១៤ ឆ្នាំហើយ ដែលថ្មីៗនេះ នាងក៏បានលេចមុខជាថ្មីលើបណ្ដាញសង្គម កំពុងផ្ទុះការចាប់អារម្មណ៍ និង សរសើរខ្លាំងពីមហាជនគ្រប់ស្រទាប់ ក្រោយពីបានឃើញវីដេអូខ្លីៗដែលនាងច្រៀងលេង មានទឹកដមសំឡេងពីរោះមិនធម្មតា។
លើសពីនេះ រាល់ការចែករំលែកនូវវីដេអូខ្លីៗរបស់ ចាង ច័ន្ទតារ៉ាវត្តី ទាំងក្នុង TikTok និង ហ្វេសប៊ុក ត្រូវបានមហាជនអ្នកគាំទ្រសរសើរថាទឹកដមសំឡេងរបស់នាងពីរោះស្រដៀងនឹងកំពូលតារាជើងចាស់លោកយាយ ប៉ែន រ៉ន ទៀតផង៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
