ថ្មីៗនេះ សារព័ត៌មាន Ettoday បានរាយការណ៍ពីករណីមួយនៅប្រទេសចិន ដោយមានគូស្នេហ៍មួយគូបាននាំគ្នាលួចទៅបង្កាត់ភ្លើងស្នេហានៅក្នុងបន្ទប់ប្រជុំនៅកន្លែងធ្វើការ ទាំងមិនដឹងថាក្រុមហ៊ុនដាក់កាមេរ៉ាតេស្តប្រជុំអនឡាញ ធ្វើឱ្យធ្លាយវីដេអូខ្មាសគេពេញក្រុមហ៊ុន។
តាមព័ត៌មានបានឱ្យដឹងថា គូស្នេហ៍ខាងលើនេះ បាននាំគ្នាទៅបង្កាត់ភ្លើងស្នេហាឱបរឹតគ្នាយ៉ាងក្តៅគគុកនៅក្នុងបន្ទប់ប្រជុំនាក្រុមហ៊ុនដែលខ្លួនធ្វើការ ដោយមិនដឹងថាបន្ទប់នោះកំពុងត្រូវគេដាក់កាមេរ៉ាឡាយប្រជុំតាមអនឡាញឡើយ ធ្វើឱ្យសកម្មភាពរបស់ពួកគេត្រូវបានបុគ្គលិកជាច្រើនកំពុងតែត្រួតពិនិត្យឡាយនោះបានឃើញទាំងអស់ ហើយម្នាក់ៗពិតជាភ្ញាក់ផ្អើលមិនស្ទើរឡើយ។
ក្រោយពីឃ្លីបវីដេអូខាងលើត្រូវបានគេចែកចាយពេញបណ្តាញសង្គម ខាងក្រុមហ៊ុនក៏បានចេញសេចក្តីថ្លែងការណ៍ឱ្យដឹងថា ពួកគេបានបើកការត្រួតពិនិត្យលើករណីនេះនេះ ហើយក៏បានសម្រេចចិត្តផ្អាកការងារទៅលើបុគ្គលិកដែលជាគូស្នេហ៍ខាងលើ ព្រោះជាសកម្មភាពដែលជះភាពអវិជ្ជមានខ្លាំងណាស់ទៅដល់ក្រុមហ៊ុន ហើយក្រុមហ៊ុនក៏បានសុំទោសផងដែរ ចំពោះការប៉ះពាល់ទៅដល់សង្គម និង មហាជន៕
ប្រភព៖ Kapook
