អ្នកគាំទ្រវិស័យបវរកញ្ញាដែលតាមដានកម្មវិធី Miss Cosmo Cambodia 2025 កន្លងមក ក្រៅពីចាប់អារម្មណ៍សរសើរម្ចាស់មកុដថ្មី MCC 2025 ឃើញថាចំពោះលំដាប់រងទាំង ៤ រូបទៀត ក៏មានសមត្ថភាព ចំណេះដឹងលេចធ្លោ ឆក់បានការគាំទ្រមិនធម្មតាដែរ។
ដោយឡែក ថ្មីៗកន្លងទៅ ស្របពេល Miss Earth Cambodia កំពុងស្វែងរកម្ចាស់រាជិនីមកុដថ្មី ក៏បានឃើញកម្មវិធីរៀបចំឱ្យលំដាប់រង MCC 2025 ៣ រូប គឺកញ្ញា អាសូរ៉ា មូនីកា, កញ្ញា រចនា សុវណ្ណា និង កញ្ញា សារ៉ាន់ គីមឡាង ចូលរួមធ្វើបទបង្ហាញពីការតស៊ូមតិ និង សម្ភាសផ្ទាល់មាត់ជាមួយម្ចាស់កម្មវិធី ដើម្បីជ្រើសរើសបវរកញ្ញាដ៏ស័ក្តិសមមួយរូប ក្លាយជាម្ចាស់មកុដនៃ Miss Earth Cambodia 2025 ។
មកដល់ថ្ងៃទី ២១ ខែកក្កដា ឆ្នាំ ២០២៥ នេះ តាមរយៈកម្មវិធី Press Conference របស់ Miss Earth Cambodia 2025 ក៏បានប្រកាសជាផ្លូវការនូវបវរកញ្ញាម្ចាស់មកុដថ្មី MEC 2025 គឺបានទៅលើ កញ្ញា សារ៉ាន់ គីមឡាង ដែលនឹងត្រូវតំណាងកម្ពុជាចូលរួមប្រកួតលើឆាកអន្តរជាតិ Miss Earth 2025 ខាងមុខ៕
