ពិតណាស់ មួយរយៈចុងក្រោយនេះ មហាជនអ្នកនិយមចូលចិត្តតាមដានវីដេអូសាច់រឿងបែបកំប្លែងខ្លីៗលើបណ្ដាញសង្គមរបស់ នាយ ព្រែក ច្បាស់ជាបានចាប់អារម្មណ៍ហើយពីវីដេអូសម្ដែងរវាងតារាសម្ដែងរៀមច្បងដ៏ល្បីល្បាញ ទេព រិន្ទដារ៉ូ និង តារាសម្ដែងស្រីវ័យក្មេង ជេស៊ីកា ដែលសាច់រឿងភាគច្រើនអ្នកទាំងពីរបានប៉ះជាដៃគូសម្ដែងជាមួយគ្នាយ៉ាងស័ក្តិសម។
ក្រៅពីសម្ដែងជាគូ និង តួអង្គផ្សេងៗក្នុងសាច់រឿងខ្លីៗនេះ លោក ទេព រិន្ទដារ៉ូ និង ជេស៊ីកា ក៏ត្រូវបានមហាជនចាប់អារម្មណ៍ថានៅក្រៅសាច់រឿងក៏ឃើញមានសកម្មភាពស្និទ្ធស្នាលផ្អែមល្ហែមខ្លាំង ទាំងពាក្យសម្ដី និង កាយវិការផ្សេងៗដែរ រហូតមានអ្នកគាំទ្រមួយចំនួនបានសង្ស័យថាអ្នកទាំងពីរស្រឡាញ់គ្នាមែនទែន ឬយ៉ាងណា?
យ៉ាងណាមិញ ក្រោយពីផ្ទុះការសង្ស័យ និង សួរនាំច្រើនពីទំនាក់ទំនងរបស់តារាសម្ដែងប្រុសស្រីមួយគូនេះ ថ្មីៗនេះ ក៏បានឃើញកញ្ញា ជេស៊ីកា បាននិយាយបកស្រាយជុំវិញរឿងនេះក្នុងកិច្ចសម្ភាសមួយ ដោយនាងបានសារភាពត្រង់ៗថានាងពិតជាស្រឡាញ់លោក ទេព រិន្ទដារ៉ូ មែន គឺស្រឡាញ់ដូចរៀមច្បងម្នាក់ ប្រៀបដូចឪពុកម្នាក់អ៊ីចឹង បើគិតជារឿងស្នេហាវិញ គឺនាងស្រឡាញ់តារាប្រុសរូបនេះលើសពីស្នេហាទៅទៀត ដែលនាងគោរពឱ្យតម្លៃចំពោះលោកខ្លាំង រីឯលោកក៏គោរពស្រឡាញ់ឱ្យតម្លៃនាងដូចគ្នា៕
សូមចុចទីនេះដើម្បីទស្សនាវីដេអូ៖
