ថ្មីៗនេះ មហាជននៅតាមបណ្តាញសង្គមថៃ មានការភ្ញាក់ផ្អើលជ្រួលច្របល់មិនតិចឡើយ ក្រោយពីមានគ្រូអាគមខ្មែរមួយរូប បានធ្វើឃ្លីបវីដេអូពីការដាក់អំពើផ្តាសាទៅកាន់មេទ័ពភូមិភាគ ២ របស់ថៃគឺ Boonsin Padklang។
ក្នុងនោះដែរ ប្រជាជនថៃហាក់មានការក្តៅក្រហាយជាខ្លាំង ក្រោយពីបានឃើញវីដេអូនេះ ហើយក៏មានគ្រូអាគមថៃចេញមុខមកការពារថា ខាងខ្មែរធ្វើអ្វីមេទ័ពមិនបានទេ ព្រោះព្រះមិនដែលការពារអ្នកខុសឡើយ វាគ្រាន់តែជាចិត្តវិទ្យាធ្វើឱ្យប្រជាជនថៃជ្រូលច្របល់ប៉ុណ្ណឹងឯង។
ដោយឡែក ក្រោយពីមានការផ្ទុះចែកចាយរឿងនេះ ស្រាប់តែនៅថ្ងៃទី ២៥ ខែមិថុនា ឆ្នាំ ២០២៥ កន្លងទៅ មេទ័ពភូមិភាគ ២ រូបនេះ បានលេចមុខទៅធ្វើបុណ្យថ្វាយព្រះពុទ្ធរូបមួយអង្គ នៅវត្តមួយកន្លែងនៅខេត្តអ៊ុដនថានី ដែលរឹតតែធ្វើឱ្យប្រជាជនថៃស្រឡាញ់ពេញចិត្ត ហើយនាំគ្នាសរសើរមិនដាច់ពីមាត់ថា មនុស្សល្អ គ្មានអ្វីមកធ្វើបាបបានទេ៕
ប្រភព៖ AMARINTV
