ពិតណាស់ ចាប់តាំងពីឈានជើងចូលប្រកួតក្នុងកម្មវិធី Miss Supranational Cambodia 2025 មក កញ្ញា អេនណា រ៉ូស ទទួលបានការចាប់អារម្មណ៍តាមដាន និង លើកទឹកចិត្តពីមហាជនខ្លាំង ចំពោះការតាំងចិត្តតស៊ូរបស់នាងក្នុងការប្រកួត Miss Supranational Cambodia នេះ ដែលពីមួយវគ្គទៅមួយវគ្គ នាងកាន់តែបង្ហាញភាពជឿជាក់មោះមុតខ្លាំង ទាំងការដើរបង្ហាញសមត្ថភាព និង ឡើងនិយាយពីឆន្ទៈរបស់ខ្លួន។
ម្យ៉ាងវិញទៀត អ្វីដែលធ្វើឱ្យអ្នកគាំទ្រជាច្រើនសរសើរពេញពីចិត្ត ចំពោះបេក្ខភាពរូបនេះទៀត ក្រោយពីនាងធ្លាប់បានបង្ហាញឆន្ទៈរបស់ខ្លួន ដែលចូលរួមប្រកួតកម្មវិធី Miss Supranational Cambodia 2025 នេះ គឺដើម្បីលុបបំបាត់រាល់ពាក្យ Bully និង បង្ហាញពីភាពរឹងមាំរបស់នាងក្នុងនាមជាស្រ្តីម្នាក់ដែលអាចធ្វើអ្វីដែលនាងចង់ធ្វើទៀតផង។
ជាក់ស្ដែង មកដល់រាត្រីថ្ងៃទី ៩ ខែមីនា ឆ្នាំ ២០២៥ នេះ ក្នុងវគ្គ UPRA ROCK THE RUNWAY នៃកម្មវិធី Miss Supranational Cambodia 2025 នេះ កញ្ញា អេនណា រ៉ូស កាន់តែឆក់បានការចាប់អារម្មណ៍សរសើរខ្លាំង ក្រោយពីនាងបានដើរបង្ហាញម៉ូដ ធ្វើបានល្អ និង រីកចម្រើនជាងមុនច្រើនក្នុងវគ្គនេះ។
លើសពីនេះ ទាំងមហាជនអ្នកគាំទ្រលើបណ្ដាញសង្គម និង អ្នកក្នុងសិល្បៈជាច្រើន បានផ្ទុះចែករំលែកសរសើរពីឆន្ទៈនៃការតស៊ូរបស់នាង ជាពិសេសទទួលបានក្ដីអាណិតស្រឡាញ់ខ្លាំង ខណៈបានឃើញវីដេអូមួយដែលនាងដើរដួលក្នុងវគ្គ Fashion Show នេះ ប៉ុន្តែនៅតែព្យាយាមក្រោកឈរដើរបន្តទៅមុខទៀតយ៉ាងជឿជាក់៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
