ប្រធានបទការសម្លាប់ខ្លួន បាន និង កំពុងក្តៅគគុកនៅពេលបច្ចុប្បន្ន។ វាពិតជាចាំបាច់ដែលយើងគួរតែកត់សម្គាល់ បើឃើញនរណាម្នាក់កំពុងមានសញ្ញាវិវត្តទៅជាការសម្លាប់ខ្លួន។ តាមអ្នកជំនាញចិត្តវិទ្យា អ្នកចង់សម្លាប់ខ្លួនពិតប្រាកដ គេមិនទាមទារការចាប់អារម្មណ៍ឡើយ ផ្ទុយមកវិញគេនឹងធ្វើរឿងមួយចំនួនយ៉ាងសម្ងាត់ ដែលពេលខ្លះយើងមិនសូម្បីតែចាប់អារម្មណ៍។
១. មិននិយាយអារម្មណ៍ចេញមក
អ្នកដែលចង់សម្លាប់ខ្លួននឹងមិនបើកការពិភាក្សាចំពោះអារម្មណ៍ ឬ ការពុះពាររបស់ពួកគេ។ ពួកគេអាចមានអារម្មណ៍ខ្មាសអៀន អស់សង្ឃឹម ឬ ជឿថាគ្មាននរណាម្នាក់អាចយល់ពីគេឡើយ។ ជំនួសឱ្យការឈឺចាប់ ពួកគេនឹងដកខ្លួនពីការសន្ទនា។
២. ក្លាយជាមនុស្សស្ងប់ស្ងាត់ និង ផ្តាច់ខ្លួន
ពួកគេនឹងផ្តាច់ការសន្ទនាជាមួយនឹងភាពស្ងប់ស្ងាត់ ផ្តាច់ទំនាក់ទំនងជាមួយគ្រួសារ មិត្តភក្តិ បងប្អូន រួចទៅកន្លែងណាមួយស្ងប់ស្ងាត់តែឯង។ បើអារម្មណ៍កំពុងបាក់ខ្លាំង គេនឹងយកកន្លែងស្ងប់ស្ងាត់នោះ ជាកន្លែងបញ្ចប់ជីវិតតែម្តង។
៣. មិនត្រូវការជំនួយ
អ្នកដែលពិតជាពុះពារដើម្បីបញ្ចប់ជីវិតខ្លួនឯង គេនឹងមិនសុំជំនួយឡើយ ពីព្រោះពួកគេកំពុងមានអារម្មណ៍អស់សង្ឃឹម ពួកគេជឿថាគ្មានអ្វីដែលអាចកែប្រែ ហើយក៏មិនចង់ដាក់បន្ទុកលើអ្នកដទៃ។
៤. រៀបគម្រោងយ៉ាងសម្ងាត់
អ្នកដែលចង់សម្លាប់ខ្លួនខ្លាំង ពួកគេនឹងលាក់គម្រោងបញ្ចប់ជីវិត ដើម្បីបញ្ចៀសការអន្តរាគមន៍ ឬ មិនឱ្យនរណាមករារាំងពួកគេបាន។ ពួកគេនឹងទៅកន្លែងសម្ងាត់មួយ ដែលនឹងធ្វើឱ្យគម្រោងសម្លាប់ខ្លួនជោគជ័យ៕
