ត្រីរាប់រយក្បាល នាំគ្នាផ្អើលលោតឡើងពេញបឹងមួយនៅចិន មហាជនឃើញហើយនាំគ្នាភិតភ័យ ខ្លាចជាប្រផ្នូលអាចកើតរញ្ជួយដីទៀត

ថ្មីៗនេះ មានវីដេអូមួយត្រូវបានគេចែកចាយនៅតាមបណ្តាញសង្គមចិន ដែលជាវីដេអូបង្ហាញពីត្រីរាប់រាយក្បាលកំពុងតែលោតយ៉ាងចម្លែកពេញផ្ទៃបឹងមួយនៅប្រទេសចិន ដែលធ្វើឱ្យមហាជនភិតភ័យខ្លាចថាជាប្រផ្នូលមិនល្អ។

តាមព័ត៌មានបានឱ្យដឹងថា ហេតុការណ៍ដ៏ចម្លែកនេះ បានកើតឡើងនៅបឹង Dianchi  ទីក្រុង Kunming ខេត្ត Yunan ប្រទេសចិន កាលពីថ្ងៃទី ២ ខែមិថុនា ឆ្នាំ ២០២៥ កន្លងទៅ។ តាមរយៈវីដេអូបានបង្ហាញឱ្យឃើញថា សត្វត្រីរាប់រយក្បាលកំពុងតែលោតផ្លោតៗពេញផ្ទៃទឹក ធ្វើ​ឱ្យមហាជនទាញទូរស័ព្ទមកថតទុកដោយក្តីងឿងឆ្ងល់។

យ៉ាងណាមិញ ក្រោយពីវីដេអូមួយនេះ ត្រូវបានគេចែកចាយទៅក្នុងបណ្តាញសង្គម មានមហាជនច្រើនណាស់បានបារម្ភថាជាប្រផ្នូលរឿងគ្រោះធម្មជាតិ ដែលមានដូចជាគ្រោះរញ្ជួយដីជាដើម តែខាងអ្នកជំនាញបានឱ្យដឹងថា ជួនកាលកម្រិតអុកស៊ីសែននៅក្នុងទឹកអាចទាបពេក ទើបត្រីនាំគ្នាលោតមកខាងលើផ្ទៃទឹកដើម្បីស្រូបអុកស៊ីសែន៕

សូមចុចទីនេះដើម្បីទស្សនាវីដេអូ៖