ស្របពេលកម្មវិធីប្រកួតសម្រស់ Miss Universe Cambodia 2025 កំពុងដំណើរការប្រកួតជាផ្លូវការ មហាជនអ្នកគាំទ្រវិស័យបវរកញ្ញាក៏កំពុងក្រឡេកចាប់អារម្មណ៍មើលទៅបេក្ខភាពនីមួយៗ ដែលឃើញថាសុទ្ធសឹងតែជាស្រីស្អាតមានទាំងរូបសម្រស់ សមត្ថភាព ទេពកោសល្យ និង ចំណេះដឹងរៀងៗខ្លួន។
យ៉ាងណាមិញ ក្នុងចំណោមបេក្ខភាពប្រកួត MUC ឆ្នាំ ២០២៥ ទាំង ២០ រូបនេះដែរ បើងាកមើលចំពោះបេក្ខភាពជើងខ្លាំង ៣ រូប ដែលត្រូវបានមហាជនអ្នកគាំទ្រវិស័យបវរកញ្ញាចាប់អារម្មណ៍ស្គាល់ថាសុទ្ធសឹងតែជាបវរកញ្ញាធ្លាប់មានបទពិសោធច្រើន ហើយមានតំណែងជាម្ចាស់មកុដក្នុងកម្មវិធីធំៗ ព្រមទាំងធ្លាប់តំណាងកម្ពុជាចូលប្រកួតលើឆាកអន្តរជាតិទៀតផង។ បេក្ខភាពទាំង ៣ រូបនោះមាន៖
១. កញ្ញា ហួន ស្រីខួច ជាម្ចាស់តំណែង Miss 𝐊𝐁𝐉 𝐑𝐚𝐭𝐮 𝐊𝐞𝐛𝐚𝐲𝐚 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 Cambodia 2022 ធ្លាប់តំណាងកម្ពុជាប្រកួតលើឆាកអន្តរជាតិ KBJ Ratu Kebaya International 2022 នៅប្រទេសម៉ាឡេស៊ី ឈ្នះមកុដ Miss Elegant 2022
២. កញ្ញា ពេជ្រ វត្តីសារ៉ាវឌ្ឍី ជាម្ចាស់តំណែង Miss Grand Cambodia 2022 ធ្លាប់តំណាងកម្ពុជាចូលរួមប្រកួតលើឆាកអន្តរជាតិនៅប្រទេសឥណ្ឌូនេស៊ី និង ទទួលបាន 5th Runner Up MGI 2022
៣. កញ្ញា រ៉េត ស្រីនាឌ ជាម្ចាស់តំណែង Miss Cosmoworld Cambodia 2023 ធ្លាប់តំណាងកម្ពុជាចូលរួមប្រកួតលើឆាកអន្តរជាតិ Miss Cosmoworld 2023 នៅប្រទេសម៉ាឡេស៊ី៕
