បើទោះជាបានប្រឡូកក្នុងវិស័យសិល្បៈអស់រយៈពេលប្រមាណ ៥ ឆ្នាំ ក៏ពិតមែន ប៉ុន្តែតារាសម្តែងរូបស្រស់ដា ដាវ ក៏ហាក់ទើបតែឆក់បានប្រជាប្រិយភាពខ្លាំងពីសំណាក់មហាជនអ្នកគាំទ្រ នៅរយៈពេលប្រមាណជា ២ ឆ្នាំចុងក្រោយនេះប៉ុណ្ណោះ។
ពិតណាស់ បច្ចុប្បន្ន តារាស្រី ដា ដាវ កំពុងឆក់បានប្រជាប្រិយភាពខ្លាំង ដែលក្តោបតំណែងក្លាយជាតារាបង្ហាញម៉ូដ និង ទូតសុឆន្ទៈឱ្យផលិតផលក្រុមហ៊ុនជាច្រើន ក៏ព្រោះតែទេពកោសល្យ ចំណេះដឹង ជាពិសេស គឺ សម្រស់ និង ការតុបតែងខ្លួនយ៉ាងស៊ីវីល័យរបស់នាងតែម្តង។
ស្របពេលដែលកំពុងជោគជ័យ និង មានកេរ្តិ៍ឈ្មោះកាន់តែល្បីនោះ ក្រឡេកទៅមើលជីវិតឯកជនរបស់ ដា ដាវ វិញ ក៏កំពុងតែចាយជីវិតយ៉ាងហាយសូរ មានលុយចាយពេញៗដៃ ប្រើរបស់ប៊្រេនៗ ដើរកម្សាន្តនៅក្រៅប្រទេសរស់នៅក្នុងជីវិតយ៉ាងរីករាយ។ លើសពីនេះ ដា ដាវ ក៏កំពុងសាងជីវិតគ្រួសារតូចមួយជាមួយស្វាមីបណ្ដូលចិត្ត ដែលមានក្ដីសុខកាន់តែពេញលេញ ក្រោយទទួលបានកូនស្រីដ៏គួរឱ្យស្រឡាញ់ម្នាក់ ជាទាយាទដំបូងនៃគ្រួសារ។
ដោយឡែក ថ្មីៗនេះ អ្វីកាន់តែចាប់អារម្មណ៍ចំពោះជីវិតឯកជនរបស់តារាស្រីរូបនេះទៀត ខណៈបានឃើញនាងបង្ហោះវីដេអូបង្ហាញការអបអរសម្រាប់គ្រួសារតូចរបស់នាង ដែលបានកាន់ដៃស្វាមី និង កូនស្រី ត្រៀមចូលរស់នៅក្នុងផ្ទះថ្មីទើបសាងសង់រួច ជាវីឡាដ៏ប្រណីតស្កឹមស្កៃមួយ ដែលនាង និង ស្វាមី ទិញសម្រាប់សាងគ្រួសារតូចកាន់តែកក់ក្ដៅ៕
សូមចុចទីនេះដើម្បីទស្សនាវីដេអូ៖
