ជំងឺគ្រុនឈាម គឺជាជំងឺមួយប្រភេទដែលបង្កឡើងដោយមូសខ្លាញីខាំ ហើយវាអាចមានគ្រោះថ្នាក់ដល់អាយុជីវិត ជាពិសេនោះគឺកុមារតែម្ដង។
យ៉ាងណាមិញ ក្នុងរដូវកាលដែលសត្វមូសជាច្រើនកំពុងរាតត្បាតនៅក្នុងសហគមន៍ UNICEF Cambodia បានចែករំលែកសារឱ្យបានដឹងថា ប្រសិនបើលោកអ្នក ឬកូនៗ មានរោគសញ្ញា ៩ យ៉ាងនេះ សូមទៅពេទ្យជាបន្ទាន់ ព្រោះអាចជាជំងឺគ្រុនឈាម ខណៈរោគសញ្ញាទាំងនោះមានដូចជា ៖
– ក្ដៅខ្លួនខ្លាំង
– ឈឺក្បាលខ្លាំង
– កន្ទួលលើស្បែក
– ហូរឈាមតាមអញ្ចាញធ្មេញ ឬ ច្រមុះ
– ក្អួតចង្អោរ
– ឈឺសាច់ដុំ
– អស់កម្លាំង
– ឈឺក្នុងពោះ
– បន្ទោរបង់មានឈាម
ក្នុងនោះ UNICEF Cambodia បានចែករំលែកវិធីការពារមួយចំនួនកុំឱ្យមូសខាំដែលមានដូចជា ៖
– កម្ចាត់ដង្កូវទឹក និង លុបបំបាត់ជម្រកមូស
– គេងក្នុងមុងឱ្យបានត្រឹមត្រូវ
– ស្លៀកសម្លៀកបំពាក់វែងៗជិតខ្លួន
– ប្រើថ្នាំលាប ឬ ថ្នាំបាញ់មូស៕
