រដូវរងាឆ្នាំចាស់មិនទាន់ឃ្លាតទៅណាឆ្ងាយផង ម៉ាកអន្តរជាតិល្បីៗបាននាំគ្នាសម្រុកបញ្ចេញខូឡិកហ្សិនថ្មី សម្រាប់រដូវត្រជាក់ចុងឆ្នាំ ២០២៥ បាត់ទៅហើយ។ ចំណោមម៉ាកល្បីៗជាច្រើន ឃើញថាម៉ាកលំដាប់ខ្ពស់ Louis Vuitton បានបង្ហាញម៉ូដខូឡិកហ្សិន Men’s Fall-Winter 2025 យ៉ាងលេចធ្លោ ទំនោរនិយមសុទ្ធតែឡូយប្លែក ដែលបុរសៗអាចច្បិចមកប្រើជាស្ទីលលេងខ្លួន។
ជាក់ស្តែង តាមការដើរបង្ហាញម៉ូដនៅទីក្រុងប៉ារីស ម៉ាក Louis Vuitton បាននាំយកខូឡិកហ្សិន ដែលជាការសហការគ្នារវាង អ្នកច្នៃម៉ូដ និង ជាតារាចម្រៀងសញ្ជាតិអាមេរិក Pharrell Williams និង អ្នកច្នៃម៉ូដហ្វេហ្សិនជនជាតិជប៉ុនដ៏ល្បីគឺ Nigo។
ខូឡិកហ្សិននេះជាការបញ្ចូលគ្នារវាងអតីតកាល និង អនាគត ដោយលាយបញ្ចូលឥទ្ធិពលកម្មករជាមួយនិមិត្តសញ្ញាសហសម័យ។ ទំនោរនិយមបែបកម្មករជាស្ទាយ៌ពី Nigo រីឯទំនោរនិយមបែប streetwear ជាស្ទាយ៌ពី Pharrell រួមគ្នាបង្កើតបានជាម៉ូដសម្លៀកបំពាក់មើលមកហ្វេហ្សិន និង ទាក់ទាញបំផុត៕
