សារព័ត៌មាន Daily Mails បានរាយការណ៍អំពីករណីដ៏កម្រមួយ ដែលមានបុរសជនជាតិ Lebanon វ័យ ៣៨ ឆ្នាំម្នាក់ មានប្រដាប់ភេទកើតការពុលអាហារ ព្រោះតែរួមភេទក្រោយពីទើបតែបរិភោគអាហាររួច។
តាមព័ត៌មានបានឱ្យដឹងថា ក្រោយពីទទួលទានអាហារពេលល្ងាចជាមួយគ្រួសារហើយ បុរសរូបនេះបានកើតការរាករូស និង ក្អួត ហើយក្រោយមកអវយវភេទក៏ចាប់ផ្តើមហើម ព្រមទាំងមានការរលាកទៀតផង។ អាការទាំងនេះបានកើតឡើងមិនបាត់រយៈពេលមួយសប្តាហ៍ ទើបបុរសរូបនេះដាច់ចិត្តទៅរកគ្រូពេទ្យ ហើយគ្រូពេទ្យបានរកឃើញថាអវយវភេទរបស់បុរសនេះឆ្លងមេរោគម្យ៉ាងមានឈ្មោះ bacillus cereus ដែលមេរោគបង្កឱ្យកើតជំងឺពុលអាហារ ដែលនេះគឺជាករណីដ៏កម្រមិនធ្លាប់មានឡើយ។
យ៉ាងណាមិញ គ្រូពេទ្យបានសន្និដ្ឋានថា ក្រោយពីទទួលទានអាហាររួច បុរសរូបនេះបានពុលអាហារដោយមិនដឹងខ្លួន ហើយរូបគេបានទៅរួមភេទជាមួយនឹងភរិយាភ្លាមៗ ដែលធ្វើឱ្យគេកើតអាការក្អួត។ គ្រូពេទ្យបានសន្និដ្ឋានទៀតថា ចំពោះអាអូនតូចរបស់បុរសរូបនេះដែលមានបញ្ហា ក៏អាចមកពីអាអូនតូចបានប៉ះពាល់ជាមួយលាមកផងដែរ។ ករណីរបស់បុរសនេះ ក៏ត្រូវបានកត់ត្រាក្នុងទស្សនាវដ្ដីវេជ្ជសាស្ត្រ «Annals of Medicine and Surgery» ជាករណីដំបូងនៃ Bacillus cereus ដែលបានឆ្លងលើប្រដាប់ភេទផងដែរ៕
ប្រភព៖ Sanook
