នៅថ្ងៃទី ១០ ខែមិថុនា ឆ្នាំ ២០២៥ ស្ថានទូតថៃប្រចាំប្រទេសកម្ពុជា បានចេញសេចក្ដីជូនដំណឹងមួយពាក់ព័ន្ធនឹងការឆ្លងដែនរបស់ពលរដ្ឋខ្មែរចូលទៅស្នាក់នៅក្នុងទឹកដីប្រទេសថៃឱ្យដឹងថា ៖ ចំពោះពលរដ្ឋខ្មែរកាន់លិខិតឆ្លងដែនធម្មតា ដែលធ្វើដំណើរតាមរយៈផ្លូវអាកាស អាចស្នាក់នៅក្នុងប្រទេសថៃរយៈពេលមិនលើសពី ៦០ថ្ងៃ ដោយពុំចាំបាច់មានទិដ្ឋាការ។
ដោយឡែក នៅក្នុងសេចក្ដីជូនដំណឹងដដែលនោះ ស្ថានទូតថៃប្រចាំនៅកម្ពុជា ក៏បានបន្តទៀត ៖ ចំពោះពលរដ្ឋខ្មែរកាន់លិខិតឆ្លងដែនធម្មតា និង ប័ណ្ណព្រំដែនកម្ពុជា-ថៃ ដែលធ្វើដំណើរតាមរយៈច្រកព្រំដែនគោក អាចស្នាក់នៅក្នុងប្រទេសថៃរយៈពេលមិនលើសពី ៧ ថ្ងៃ ដោយពុំចាំបាច់មានទិដ្ឋាការ៕
