ប្រយ័ត្នទាំងអស់គ្នា! អ្នកគ្រូម្នាក់ជួបផ្ទាល់ ចែករំលែកអាការជំងឺខូចក្រលៀន ១៤ យ៉ាង មុនឈានដល់ដំណាក់កាលលាងឈាម

នៅថ្ងៃទី ២៥ ខែតុលា ឆ្នាំ ២០២៥ តាមរយៈគណនីរបស់អ្នកគ្រូបង្រៀនថ្នាក់បឋមសិក្សាមួយរូប បានចែករំលែកអំពីអាការមួយចំនួននៃជំងឺខូចក្រលៀន មុនឈានដល់ដំណាក់កាលលាងឈាម ដែលអ្នកគ្រូគឺជាអ្នកជួប និង មានបទពិសោធផ្ទាល់។

តាមរយៈគណនីរបស់អ្នកគ្រូ ដែលមានឈ្មោះ Oun KaKa បានបញ្ជាក់នៅថ្ងៃទី ២៥ ខែតុលា ឆ្នាំ ២០២៥ ឱ្យបានដឹងថា អាការជំងឺខូចក្រលៀន មុនឈានដល់ដំណាក់កាលលាងឈាម គឺមានដូចជា ៖

– ឧស្សាហ៍អស់កម្លាំងដោយគ្មានមូលហេតុ

– នោមញឹក នោមទាស់ នោមសល់ មានក្លិន ឡើងពពុះ

– ឧស្សាហ៍ឈឺចង្កេះ ចុករោយពេញខ្លួន

– បាត់បង់ចំណង់អាហារ

– ស្រកគីឡូខុសប្រក្រតី

– បាត់បង់គ្រាប់ឈាម ខ្លួនស្លេកស្លាំង

– ក្រហាយបាតដៃបាតជើង

– ឧស្សាហ៍ចង់ក្អួត ឈឺក្បាល វិលមុខ

– ហើមដៃហើមជើង ភ្នែក មុខ (ដោយតាមសុខភាព)

– ពិបាកក្នុងការដកដង្ហើម

– ចាល់ទឹកពេញខ្លួន (នោមមកមិនអស់)

– ទឹកដក់ក្នុងសួត

– រមាស់ដៃ ជើង ខ្លួន

– លើសសំពាធឈាម (១៥ ដល់ ២០ ជាង)។

អ្នកគ្រូដែលជាម្ចាស់គណនីខាងលើបា​នបន្តថា នេះជាអាការត្រួសៗនៃជំងឺខូចក្រលៀន មុនឈានដល់ដំណាក់កាលលាងឈាម សូមបងប្អូនទាំងអស់គ្នាមេត្តាថែសុខភាពទាំងអស់គ្នាដើម្បីជៀសផុតពីជំងឺដ៏កាចសាហាវមួយនេះ។ សូមបងប្អូនទាំងអស់គ្នាកុំភ្លេចថែរក្សាសុខភាពផងណា កុំឱ្យឈឺដូចខ្ញុំ វេទនាណាស់៕