នៅព្រឹកថ្ងៃទី ៧ ខែ កក្កដា ឆ្នាំ ២០២៥ នេះ ស្ថានីយ៍ទូរទស្សន៍ CTN បានផ្សាយផ្ទាល់នូវការធ្វើសន្និសីទសារព័ត៌មាន ស្តីពីការផ្សាយជាផ្លូវការនូវកម្មវិធី «កម្លាំងគោជល់» ដែលជាកម្មវិធីប្រកួតប្រជែងកម្លាំងដ៏អស្ចារ្យ និង មិនធ្លាប់មានពីមុននៅកម្ពុជា។
ពិតប្រាកដណាស់ កម្មវិធី «កម្លាំងគោជល់» គឺជាកម្មវិធីទូរទស្សន៍ប្រកួតប្រជែងភាពរឹងមាំផ្នែកកាយសប្បទា បញ្ញា ស្មារតី ដំបូងបង្អស់នៅកម្ពុជា ផលិតឡើងដើម្បីលើកកម្ពស់ ក៏ដូចជាជំរុញទូរទស្សនិកជនគ្រប់ស្រទាប់ឱ្យចេះស្រឡាញ់សុខភាព ការហាត់ប្រាណប្រចាំថ្ងៃ និង ភាពរឹងមាំខាងផ្នែកស្មារតី។
នៅក្នុងឱកាសធ្វើសន្និសីទសារព័ត៌មានបើកដំណើរការជាផ្លូវការនូវកម្មវិធីនេះដែរ មានការចូលរួមពី លោក David Elliott Ulmer, CEO of CBS, លោក ស្រ៊ិន ផល្លា អ្នកតំណាងក្រុមហ៊ុន Red Bull Cambodia រួមទាំងភ្ញៀវកិត្តិយស អ្នកសិល្បៈ ក៏ដូចជា អ្នកសារព័ត៌មានជាច្រើនកុះករ។
លោក David Elliott Ulmer, CEO of CBS ក៏បានឡើងថ្លែងចំណាប់អារម្មណ៍ពីកម្មវិធីមួយនេះយ៉ាងមានអត្ថន័យ និង ពោរពេញដោយភាពរំភើបសប្បាយរីករាយ។ រីឯលោក ស្រ៊ិន ផល្លា អ្នកតំណាងក្រុមហ៊ុន Red Bull Cambodia ក៏បានមានចំណាប់អារម្មណ៍យ៉ាងមានមោទកភាព ចំពោះក្រុមហ៊ុនក្នុងការបង្កើតកម្មវិធី «កម្លាំងគោជល់» នេះឡើង ដែលនេះជាកម្មវិធីប្រកួតប្រជែងភាពរឹងមាំផ្នែកកាយសប្បទា បញ្ញា ស្មារតី ដំបូងបង្អស់នៅកម្ពុជា។
កន្លងមក កម្មវិធីបានចុះជ្រើសរើសបេក្ខជនតាមបណ្ដារាជធានី និង ខេត្ត ដូចជារាជធានីភ្នំពេញ ខេត្តកំពង់ចាម និង បាត់ដំបង ហើយជ្រើសរើសបានបេក្ខជនជើងខ្លាំងជាច្រើនរូប ដើម្បីចូលរួមប្រកួតប្រជែងក្នុងកម្មវិធីកម្លាំងគោជល់ ដែលមានទឹកប្រាក់រង្វាន់ដ៏សម្បើម រហូតដល់មួយរយលានរៀល (100លានរៀល)។
បេក្ខជនជើងខ្លាំងទាំងអស់នោះ បានមកទីកន្លែងផ្សេងៗគ្នា និង អាជីពការងារខុសៗគ្នាដែលមានដូចជា និស្សិត អ្នកធ្វើការការិយាល័យ ធ្វើការរោងចក្រ រួមទាំងអ្នកបើកបរតុកតុក។ ពួកគេនឹងធ្វើការប្រកួតប្រជែងយ៉ាងអង់អាច ស្វិតស្វាញ និង ប្រកបដោយថាមពល ដោយសារមានការជំរុញពីភេសជ្ជៈប៉ូវកម្លាំងគោជល់។ កម្មវិធីកម្លាំងគោជល់ នឹងចាក់ផ្សាយភាគដំបូងរបស់ខ្លួន នៅលើកញ្ចក់ទូរទស្សន៍ CTN នាថ្ងៃសៅរ៍ ទី ១២ ខែកក្កដា ឆ្នាំ ២០២៥ នៅវេលាម៉ោង ៦៖៣០-៨៖០០ យប់។
ដូច្នេះសូមបងប្អូនទស្សនិជន កុំភ្លេចរង់ចាំទស្សនាក៏ដូចជាតាមដាន កម្មវិធីដ៏អស្ចារ្យនេះទាំងអស់គ្នាថាតើបេក្ខជនរូបណាអាចនឹងក្លាយជាជើងឯករបស់កម្មវិធីកម្លាំងគោជល់ ហើយទទួលបានទឹកប្រាក់រង្វាន់មួយរយលានរៀល (100 លានរៀល) នេះ។
ដោយឡែក នាឱកាសបិទពិធីសន្និសីទសារព័ត៌មានរបស់កម្មវិធី «កម្លាំងគោជល់» នៅស្ថានីយទូរទស្សន៍ CTN នៅថ្ងៃទី ៧ ខែកក្កដា ឆ្នាំ ២០២៥ នេះដែរ ដោយបានដឹងពីទុក្ខលំបាករបស់កញ្ញាចរណៃ ជាពិធីការិនីរបស់កម្មវិធី «កម្លាំងគោជល់» ដែលកំពុងជួបប្រទះនាពេលថ្មីៗនេះដោយសារតែមានអគ្គិភ័យឆាបឆេះហាងរបស់កញ្ញា ក្រុមហ៊ុន Hero King ដែលជាតំណាងរបស់ភេសជ្ជៈប៉ូវកម្លាំងគោជល់ បានផ្ដល់ជូននូវជំនួយជាថវិកា ក៏ដូចជាសម្ភារ និង ឱកាសការងារថ្មីជាមួយគោជល់ បន្ថែមពីលើមុខងារបច្ចុប្បន្នជាពិធីការិនីរបស់កម្មវិធីកម្លាំងគោជល់ ទៅដល់កញ្ញា ចរណៃ ដែលនេះជាកាយវិការដ៏ប្រពៃ បង្ហាញពីការយកចិត្តដាក់របស់ក្រុមហ៊ុនចំពោះក្រុមការងារផលិតកម្មវិធី ៕
