កន្លងមកមហាជនអ្នកប្រើប្រាស់បណ្ដាញសង្គមជាច្រើន តែងតែកោតសរសើរចំពោះទំនាក់ទំនង ការរាប់អានដ៏ល្អរវាងតារាសម្ដែងស្រី ឌុច លីដា និង លោក ណាក់ខុន តាំងពីអ្នកទាំងពីរមិនទាន់រៀបការ រហូតពេលនេះពួកគេបានរកឃើញគូគាប់ ហើយរស់នៅសាងគ្រួសារដ៏មានសុភមង្គលរៀងខ្លួន។
ទោះបីជាពេលនេះ តារាសម្ដែងប្រុសសង្ហាស្រីស្អាតមួយគូនេះ មានក្រុមគ្រួសារត្រូវមើលថែរៀងខ្លួន រវល់ការងាររកស៊ីរៀងខ្លួន ប៉ុន្ដែចំពោះមិត្តភាពផ្ដល់ឱ្យគ្នានៅវិញទៅមក គឺនៅតែរក្សាដូចកាលពីមុនដដែល។ មិត្តពិតប្រាកដ មិនដែលចង់បានប្រយោជន៍ណាមួយពីគ្នាឡើយ ជាក់ស្ដែងថ្មីៗនេះ អ្នកនាង ឌុច លីដា បានបង្ហោះសារមួយសំដៅដល់លោក ណាខុន ថា ៖ «ខ្ញុំមិនមានប្រយោជន៍ឱ្យគាត់ ហើយគាត់ក៏មិនចង់បានប្រយោជន៍ពីខ្ញុំ រាប់អានគ្នាតែពួកយើងមិនដែលចង់បានប្រយោជន៍ពីគ្នា Favorite people»។
លើសពីនេះ មិនថារវាងភាគីណាម្នាក់ជួបទុក្ខ ឬទទួលបានភាពជោគជ័យនោះគេ តិច ឬច្រើនគេតែងតែឃើញវត្តមានមិត្តល្អម្ខាងទៀតនៅក្បែរ ចាំជួយលើកទឹកចិត្តជានិច្ច។ មិត្តភាពពិតមិនក្លែងក្លាយរបស់តារាប្រុសស្រីទាំងពីរបានធ្វើឱ្យមហាជនកោតសរសើរយ៉ាងខ្លាំង៕
