ជារៀងរាល់ឆ្នាំ ចន្លោះពីពាក់កណ្ដាលខែមេសា ដល់ខែកក្ដដា ប្រជាកសិករនៅក្នុងប្រទេសកម្ពុជាយើងគឺចាប់ផ្ដើមប្រមូលផលផ្លែឈើច្រើនប្រភេទ មានដូចជាសាវមាវ ផ្លែមង្ឃុត និង ទុរេន ជាដើម ដែលផ្លែទុរេននេះ មួយឆ្នាំអាចប្រមូលផលបានតែម្ដងប៉ុណ្ណោះ។
ដូចប្រិយមិត្តបានជ្រាបហើយថា ទុរេន ជាផ្លែឈើដែលមានតម្លៃថ្លៃ ព្រោះវាមានរសជាតិផ្អែមឈ្ងុយឆ្ងាញ់ ជាពិសេសទុរេនដែលដាំដុះលើទឹកដីខេត្តកំពង់ចាម កំពត បាត់ដំបង និង ទុរេន មេមត់ ត្បូងឃ្មុំជាដើម ដែលជាទុរេនខ្មែរ ដាំដុះដោយកសិករផ្ទាល់ដៃ។ យ៉ាងណាមិញ ក្រៅពីរសជាតិដ៏ឆ្ងាញ់របស់វាហើយនោះ ទុរេន ក៏បានផ្ដល់អត្ថប្រយោជន៍ជាច្រើនដល់អ្នកហូប។
បើតាមរយៈការស្រាវជ្រាវជាច្រើនបានបង្ហាញថា ទុរេន មានអត្ថប្រយោជន៍ជាច្រើនដូចជា ៖
– ពង្រឹងប្រព័ន្ធការពាររាងកាយ
– ព្យាបាលសភាពស្លេកស្លាំង
– ជំនួយឆ្អឹង
– ជំនួយដល់ការគេង
– រក្សាលំនឹងសម្ពាធឈាម
– ការពារមហារីក
– ជួយការរំលាយអាហារ
– ជួយកុំឱ្យឆាប់ចាស់៕
ប្រភព៖ Organic
