មហាជនអ្នកគាំទ្រតាមដានពីទំនាក់ទំនងរវាងតារាចម្រៀងប្រុស STEP និង ស្រីស្អាត SK បានជ្រាបហើយ ដែលអ្នកទាំងពីរតែងធ្វើឱ្យអ្នកគាំទ្រចាប់អារម្មណ៍ខ្លាំងពីមួយថ្ងៃទៅមួយថ្ងៃ កាន់តែផ្អែមល្ហែម ខណៈឃើញទៅណាមកណាតែងមានវត្តមានជាមួយគ្នាដណ្ដើរគ្នាយ៉ាងត្រសង ទាំងពេលបំពេញការងាររៀងខ្លួន ក៏ឃើញតាមទៅគាំទ្រយកចិត្តទុកដាក់នឹងគ្នា រីឯការដើរកម្សាន្តតាមបណ្ដាខេត្តនានាក៏កម្រឃើញឃ្លាតគ្នាដែរ។
ក្រោយពីបង្ហាញភាពស្និទ្ធស្នាលផ្អែមល្ហែមមួយរយៈធំ កាលពីថ្មីៗកន្លងទៅ STEP និង SK បានធ្វើឱ្យមហាជនអ្នកគាំទ្រកាន់តែរំភើប និង ភ្ញាក់ផ្អើល ខណៈបានឃើញវីដេអូសកម្មភាពរបស់តារាចម្រៀងប្រុស STEP និយាយសារភាពត្រង់ៗមុខមហាជនថា រូបលោកបានតាមសុំស្រឡាញ់ SK រយៈពេលជាង ៣ ឆ្នាំមកហើយ គ្រាន់តែមកដល់ពេលនេះ ខាងស្រីមិនទាន់ផ្ដល់ចម្លើយឱ្យលោកច្បាស់នៅឡើយ។ ក្នុងវីដេអូនោះដែរ លោក STEP ក៏បានសុំចម្លើយពី SK ម្ដងទៀតថាអាចរួមដំណើរជីវិតជាមួយគ្នាបានឬទេ ប៉ុន្តែខាងស្រីនៅតែមិនទាន់ឱ្យចម្លើយលោកបានដដែល។
ដោយឡែក ថ្មីៗនេះ ក្នុងថ្ងៃទិវានៃក្ដីស្រឡាញ់ តារាប្រុស STEP កាន់តែធ្វើឱ្យអ្នកគាំទ្រចាប់អារម្មណ៍ទៀត ដែលលោកបានបង្ហោះរូបភាពជាគូជាមួយស្រីស្អាត Sk ដ្បិតតែមិនទាន់មានឋានៈជាសង្សារ ប៉ុន្តែលោកក៏បានបង្ហាញក្ដីស្រឡាញ់ដ៏ផ្អែមល្ហែមក្នុងថ្ងៃពិសេសចំពោះនាង និង បង្ហាញក្ដីសង្ឃឹមមិនបោះបង់ ដែលក្នុងចិត្តរបស់លោកបានទុកនាងជាអនាគតសង្សាររួចទៅហើយ។ ក្នុងនោះ លោក STEP បានរៀបរាប់ថា ៖ «Happy Valentine’s Day (future) babe nevergiveup»៕
