ពិតណាស់ កាលពីដើមខែកុម្ភះ ឆ្នាំ ២០២៥ កន្លងទៅ បវរកញ្ញាយុវតីកម្ពុជា ៣ រូប ទៀតហើយ បានចេញដំណើរតំណាងប្រទេសទៅចូលរួមប្រកួតលើអន្តរជាតិក្នុងកម្មវិធី Kids & Teen Pageant Global នៅឯប្រទេសម៉ាឡេស៊ី។
បវរកញ្ញាយុវតីកម្ពុជាទាំង ៣ រូបនេះ មាន Miss Preteen Global 2024 យុវតី គង់ សោមា, Little Miss Global 2024 យុវតី សំរិទ្ធ ប៉ូទីនដា និង Mini Miss Global 2024 យុវតី លីង យ៉ាង យ៉ាង ដែលសុទ្ធសឹងតែជាយុវតីពេញដោយសក្កានុពល និង ឆន្ទៈមោះមុតខ្លាំងក្នុងការតំណាងឱ្យកម្ពុជាឈរលើឆាកអន្តរជាតិនេះ។
មកដល់រាត្រីថ្ងៃទី ៨ ខែកុម្ភៈ ឆ្នាំ ២០២៤ កន្លងទៅនេះ កម្មវិធីប្រកួតសម្រស់បវរកញ្ញាវ័យក្មេងអន្តរជាតិ Kids & Teens Pageant Global បានឈានដល់វគ្គផ្ដាច់ព្រ័ត្រ និង ជារាត្រីដ៏រំភើបចិត្តសម្រាប់អ្នកគាំទ្រវិស័យបវរកញ្ញាវ័យក្មេងកម្ពុជា ដែលឃើញថាយុវតីទាំង ៣ រូបរបស់កម្ពុជា សុទ្ធតែទទួលបានលទ្ធផលដ៏ល្អជាទីមោទកភាពសម្រាប់កម្ពុជា ដោយបានឈ្នះមកុដ តំណែងលំដាប់រង និង ពានរង្វាន់ជាច្រើនទៀតផង។
១. Miss Preteen Global 2024 យុវតី គង់ សោមា បានឈ្នះលំដាប់រងទី ៣ Miss Preteen Global 2025 ពីកម្មវិធី Kids & Teens Global និង ពានរង្វាន់ចំនួន ២ ៖
– Social Media Award
– Best In Catwalk Award
២. Little Miss Global 2024 យុវតី សំរិទ្ធ ប៉ូទីនដា បានឈ្នះមកុដ Little Miss Global 2025 ពីកម្មវិធី Kids & Teens Global និង ពានរង្វាន់ចំនួន ៦ ៖
– Best In Resort Wear Award
– Most Fashionista Award
– Best In Interview Award
– Best In Catwalk Award
– Popular Award
– Most Popular Award
៣. Mini Miss Global 2024 យុវតី លីង យ៉ាងយ៉ាង បានឈ្នះមកុដ Mini Miss Global 2025 ពីកម្មវិធី Kids & Teens Global និង ពានរង្វាន់ចំនួន ៤ ៖
– Best National Costume Award
– Social Media Award
– Most Fashionista Award
– Best Interview Award
