បើគិតមកដល់ពេលនេះ រយៈពេលប្រមាណ ៥ ឆ្នាំ មកហើយ ដែលតារាចម្រៀង ឡាយ លក្ខិណា បានចាកចេញពីប្រទេសកម្ពុជាទៅសម្តែងនៅប្រទេសកាណាដា និង បន្តការរស់នៅទីនោះ។ ក្នុងនោះ មកដល់ពេលនេះ ឡាយ លក្ខិណា ទទួលបានសញ្ជាតិកាណាដារួចហើយដែរ ខណៈតារាចម្រៀងស្រីរូបនេះ កំពុងមមាញឹកក្នុងការងារសិល្បៈលើអាជីពជាតារាចម្រៀង។
យ៉ាងណាមិញ ក្រោយចាកចេញពីមាតុប្រទេសរយៈពេលយូរហើយក្តី ឡាយ លក្ខិណា ក៏មិនទាន់បង្ហើបដំណឹងវិលមកលេងស្រុកកំណើតនៅឡើយនោះទេ ដោយនាងកំពុងសម្រុកខ្លាំងលើការងារសិល្បៈនៅទីនោះ។ លើសពីនោះ កញ្ញា ឡាយ លក្ខិណា ក៏ជាតារាចម្រៀងជ្រកក្រោមផលិតកម្ម Sandab Entertainment ដែលមានថៅកែជាជនជាតិខ្មែរផងដែរ។
ងាកទៅកាន់ជីវិតស្នេហាឯណោះវិញ កាលពីពេលកន្លងទៅ កញ្ញា ឡាយ លក្ខិណា បានបើកចំហជាសាធារណៈ ដោយកញ្ញា និង ថៅកែផលិតកម្ម Sandab Entertainment គឺអ្នកនាង Sandap Sand គឺជាគូស្នេហ៍នឹងគ្នា។ ក្នុងនោះ ក្រោយបើកចំហចំណងស្នេហ៍ហើយ គូស្នេហ៍មួយគូនេះកាន់តែបើកបង្ហាញភាពផ្អែមល្ហែមជារឿយៗនៅលើបណ្តាញសង្គម៕
