យប់មិញ អ្នកម៉ាក់កូន ២ មៀលីយ៉ាន ស្លៀកឈុតរំលេចផ្ការំដួលយ៉ាងជឿជាក់ ឡើងយន្តហោះទៅប្រកួតដណ្ដើមមកុដនៅកូរ៉េ

ពិតណាស់ ក្រោយពីជាប់តំណែងជា Top 5 នៃកម្មវិធី Miss Universe Cambodia 2024 មួយរយៈ កាលពីថ្មីៗកន្លងទៅ អ្នកម៉ាក់រូបស្រស់ មៀលីយ៉ាន បានធ្វើឱ្យមហាជនអ្នកគាំទ្ររំភើបអបអរជំនួស ក្រោយពីទទួលបានដំណឹងថាអ្នកនាងទទួលបានឱកាសក្លាយជា Super Talent of the Cambodia 2025 ដែលនឹងត្រៀមតំណាងកម្ពុជាចូលរួមប្រកួតលើឆាកអន្តរជាតិ Miss Super of the World 2025។

ដំណើរការនៃប្រកួតលើឆាកអន្តរជាតិ Miss Super of the World 2025 នេះ នឹងប្រព្រឹត្តឡើងនៅឯទីក្រុងសេអ៊ូល ប្រទេសកូរ៉េខាងត្បូង ចាប់ពីថ្ងៃទី ១៩ ដល់ថ្ងៃទី ២៨ ខែកុម្ភៈ ឆ្នាំ ២០២៥ ខាងមុខ។ ពេលនោះដែរ អ្នកនាង មៀលីយ៉ាន ក៏បានធ្វើការហ្វឹកហាត់ត្រៀមខ្លួនយ៉ាងមោះមុតក្នុងដំណើរការប្រកួតលើឆាកអន្តរជាតិក្នុងកម្មវិធីដ៏ធំនេះដែរ។

យ៉ាងណាមិញ មកដល់ថ្ងៃទី ១៨ ខែកុម្ភៈ ឆ្នាំ ២០២៥ នេះ អ្នកនាង មៀលីយ៉ាន ក៏បានឡើងយន្តហោះចេញដំណើរទៅកាន់ប្រទេសកូរ៉េហើយ ដើម្បីចូលកងប្រកួតលើឆាកអន្តរជាតិនេះ។ ជាមួយគ្នានោះ បើចាប់អារម្មណ៍ចំពោះការរៀបចំខ្លួនរបស់នាងចេញទៅប្រកួតនៅក្រៅប្រទេសនេះដែរ អ្នកនាង មៀលីយ៉ាន បានឆក់ការចាប់អារម្មណ៍សរសើរខ្លាំងលើរូបសម្រស់របស់អ្នកម៉ាក់កូន ២ រូបនេះ ដែលពូកែថែសម្រស់ មើលទៅកាន់តែក្មេងស្អាតតុបតែងខ្លួនទៅដូចតុក្កតាអ៊ីចឹង៕