និយាយពីជីវិតគ្រួសាររបស់តារាចម្រៀងប្រុស នី រតនា និង ភរិយា កាន់តែមានក្ដីសុខពេញទី ខណៈទទួលសមាជិកថ្មី ជាទាយាទស្នងត្រកូលប្រុសស្រីដ៏គួរឱ្យស្រឡាញ់រហូត ៣ នាក់ហើយ ក្រោយពីរៀបការជាង ៦ ឆ្នាំ។
អ្វីដែលមហាជនអ្នកគាំទ្រតែងចាប់អារម្មណ៍ និង សរសើរខ្លាំងចំពោះជីវិតគ្រួសារដ៏មានសុភមង្គលមួយនេះ ព្រោះតែងឃើញលោក នី រតនា បង្ហាញនូវការបំពេញតួនាទីជាស្វាមី និង ប៉ាដ៏សែនល្អ មើលថែថ្នាក់ថ្នម គ្រប់បែបយ៉ាងចំពោះប្រពន្ធ ជាពិសេសចាប់តាំងពីប្រពន្ធពពោះកូនទី ១ មកដល់ពពោះ និង សម្រាលកូនលើកទី ២ នេះ។
យ៉ាងណាមិញ ថ្មីៗនេះ អ្វីកាន់តែចាប់អារម្មណ៍ចំពោះជីវិតគ្រួសារដ៏កក់ក្ដៅនេះទៀត ខណៈបានឃើញលោក នី រតនា បង្ហោះរូបភាពជាច្រើនសន្លឹកបង្ហាញពីជីវិតគ្រួសារពេញដោយសុភមង្គល ដែលបាននាំភរិយា និង កូនប្រុសស្រីទាំង ៣ នាក់ ថតរូបជាជុំគ្រួសារបែបក្នុងរឿងព្រេងនិទាន មើលទៅទាំងម៉ាក់ទាំងប៉ា និង កូនៗ ស្រស់ស្អាតឃ្យូតៗខ្លាំងណាស់ ដែលធ្វើឱ្យអ្នកគាំទ្រសរសើរ និង មានក្ដីសុខជំនួសគ្រួសារមួយនេះ៕
