ពិតណាស់ មហាជនអ្នកតាមដានគាំទ្ររបស់តារាសម្ដែងស្រី ស៊ីន យូប៊ីន បានចាប់អារម្មណ៍ហើយ ក្រោយត្រឡប់ពីចូលរួមកម្មវិធីធំៗនៅក្រៅប្រទេសវិញ ចូលដើមឆ្នាំ ២០២៥ កន្លងទៅនេះ គេសង្កេតឃើញថាតារាស្រីរូបនេះ ស្ងាត់បាត់មុខមិនសូវឃើញបង្ហាញខ្លួនលើវិស័យសិល្បៈឡើយ។
ស្របពេលនោះដែរ អ្វីដែលធ្វើឱ្យមហាជនអ្នកគាំទ្របានចាប់អារម្មណ៍ និង ភ្ញាក់ផ្អើល ក្រោយពីបានឃើញវីដេអូមួយបង្ហាញពីសកម្មភាពរបស់តារាស្រីរូបនេះ កំពុងបួសជាជីព្រហ្មស្លៀកពាក់ឈុតស រៀនធម៌ សមាធិ និង ជួយធ្វើការងារផ្សេងៗក្នុងវត្តមួយនៅលើទឹកដីខេត្តសៀមរាបពេញដោយសេចក្ដីជ្រះថ្លា។
យ៉ាងណាមិញ ក្រោយបាត់មុខទៅសាងផ្នួសមួយរយៈ មកដល់ថ្មីៗនេះ ស៊ីន យូប៊ីន ក៏បានវិលត្រឡប់មកបំពេញការងារសិល្បៈវិញ ដែលគេបានឃើញនាងធ្វើបទសម្ភាសជាមួយអ្នកសារព័ត៌មានបកស្រាយជុំវិញរឿងស្ងាត់ៗទៅបួសនេះផងដែរ ខណៈមានអ្នកគាំទ្រសួរនាំបារម្ភច្រើនដោយគិតថានាងទៅបួសព្រោះមានបញ្ហាអ្វី ឬយ៉ាងណា។
ក្នុងនោះ យូប៊ីន បានទម្លាយមូលហេតុឱ្យដឹងថា គឺនាងទៅសាងផ្នួសមិនមែនព្រោះតែមានបញ្ហាផ្លូវចិត្ត ឬស្រ្តេសខ្លាំងនោះទេ គឺដោយសារតែនាងតែងទៅបែបនេះជារៀងរាល់ឆ្នាំ គ្រាន់តែពីមុនរយៈពេលខ្លី ប៉ុន្តែលើកនេះគឺយូរជាងមុន ដែលនាងមានបំណងចង់សន្សំសីល និង រៀនធម៌ ដើម្បីបង្កើនប្រាជ្ញាឱ្យខ្លួនឯងបន្ថែម៕
សូមចុចទីនេះដើម្បីទស្សនាវីដេអូ៖
