កាលពីថ្ងៃទី ១៦ ខែមិថុនា ឆ្នាំ ២០២៥ កន្លងទៅ រដ្ឋាភិបាលប្រទេសកាណាដា បានធ្វើការដាស់តឿនទៅកាន់ប្រជាជនរបស់ខ្លួន ឱ្យមានកាប្រុងប្រយ័ត្ន និង ចៀសវាងទៅលេងតំបន់មួយចំនួននៅក្នុងប្រទេសថៃ ព្រោះតែស្ថានការណ៍នយោបាយក្នុងប្រទេសថៃកំពុងតែតានតឹង។
ក្នុងនោះរដ្ឋាភិបាលបានដាស់តឿនប្រជាជនកុំឱ្យទៅលេងខេត្តភាគខាងត្បូងប្រទេសថៃចំនួន ៤ ខេត្តមានដូចជា Narathiwat Pattani Songkhla Yala ព្រោះតែខេត្តទាំងនេះស្ថិតនៅជាប់ព្រំដែនប្រទេសថៃ ម៉ាឡេស៊ី ហើយក្រុមបះបោរដែលចង់បំបែកខ្លួន កំពុងតែធ្វើការវាយប្រហារជាប្រចាំ ដែលអាចបង្កឱ្យមានគ្រោះថ្នាក់ដល់ភ្ញៀវទេសចរ។ ដោយឡែកខេត្ត Mae Hong Son និង ខេត្ត Tak ដែលស្ថិតនៅតាមព្រំដែនថៃ មីយ៉ាន់ម៉ា ក៏ត្រូវបានហាមឃាត់ផងដែរ ព្រោះតែមានការការប៉ះទង្គិចគ្នារវាងរដ្ឋាភិបាល និងក្រុមអ្នកជួញដូរគ្រឿងញៀនកើតឡើងជាញឹកញាប់។
យ៉ាងណាមិញ រដ្ឋាភិបាលក៏បានណែនាំឱ្យប្រជាជនប្រយ័ត្នចំពោះទីក្រុងបាងកកដូចគ្នា ព្រោះតែស្ថានភាពនយោបាយក្នុងស្រុកកំពុងតែតានតឹងខ្លាំង អាចបណ្តាលឱ្យមានហេតុការណ៍មិនល្អណាមួយកើតឡើង៕
ប្រភព៖ TheTravel
