កាលពីមួយរយៈមុន មហាជនអ្នកប្រើប្រាស់បណ្ដាញសង្គមហ្វេសប៊ុក ពិសេសប្រិយមិត្តដែលស្រឡាញ់ និង ចូលចិត្តតាមដានពីជីវិតឯកជនរបស់អ្នកសិល្បៈ ភាគច្រើនប្រាកដជាបានជ្រាបរួចមកហើយពីភាពស្និទ្ធស្នាលរវាងពិធីការិនីដ៏ល្បីល្បាញ អ្នកនាង ពេជ្រ សេរីរ័ត្ន និង លោក អេឡិច ច័ន្ទត្រា មិនខាន ដែលកាលនោះអ្នកទាំងពីរតែងបង្ហាញសកម្មភាពជិតដិតដូចគូស្នេហ៍។
យ៉ាងណាមិញ រំលងមួយរយៈក្រោយមក អ្នកទាំងពីរហាក់ស្ងប់ស្ងាត់មិនសូវឃើញបង្ហាញសកម្មភាពស្វីតៗ និង បណ្ដើរគ្នាទៅណាមកណាដូចកាលពីមុនទៀតឡើយ ដោយពួកគេទាំងពីរងាកទៅប្រើជីវិត និង ប្រកបការងាររៀងៗ ចំណែកទំនាក់ទំនងរវាងតារាប្រុសស្រីទាំងពីរថាជាមិត្តភក្ដិ ឬ ស្នេហា ក៏គេមិនបានឃើញភាគីណាម្នាក់ចេញមុខមកបង្ហាញការពិតប្រាប់អ្នកគាំទ្រដែរ។
រហូតមកដល់ថ្មីៗនេះ ពេជ្រ សេរីរ័ត្ន និង កំលោះសង្ហាសាច់សខ្ចីដូចបណ្ដូលចេក អេឡិច ច័ន្ទត្រា បានត្រលប់មកបង្ហោះរូបភាពលើហ្វេសប៊ុក បង្ហាញសកម្មភាពកៀកកើយគ្នាធ្វើឱ្យអ្នកគាំទ្រចង់តាមដានជាថ្មី តែទោះជាបែបនេះ អ្នកទាំងពីរនៅតែបន្តមិនបកស្រាយឱ្យដាច់ស្រឡោះពីទំនាក់ទំនងមួយនេះ ថាជាមិត្ត ឬក៏ស្នេហាឡើយ៕
