ថ្មីៗនេះ មានករណីដ៏ហួសចិត្តមួយបានកើតឡើងនៅប្រទេសថៃ ដោយមានបុរសម្នាក់បានយកទូរស័ព្ទទៅជួសជុល តែជាងធ្វើឱ្យមិនពេញចិត្ត ស្រាប់តែយកអាចម៍ជ្រូកទៅជះក្នុងហាងគេឡើងស្អុយង៉ោង។
តាមព័ត៌មានបានឱ្យដឹងថា រឿងនេះបានកើតឡើងកាលពីថ្ងៃទី ២៦ ខែមេសា ឆ្នាំ ២០២៥ កន្លងទៅ នៅហាងជួសជុលទូរស័ព្ទមួយកន្លែងនាឃុំ Tha Bun ស្រុក Ko Pho ខេត្ត Chonburi។ ដោយនៅថ្ងៃកើតហេតុ បុរសជាជនបង្កវ័យ ៣០ ឆ្នាំ បានយកទូរស័ព្ទទៅជួលជុលនៅហាងខាងលើ ហើយក៏បានចេញមកវិញ មួយសន្ទុះក្រោយមកស្រាប់តែកាន់ធុងយួរដៃពណ៌ខ្មៅមួយមានសុទ្ធតែអាចម៍ជ្រូក យកមកជះពេញក្នុងហាងខាងលើ បង្កឱ្យមានការភ្ញាក់ផ្អើលជាខ្លាំង។
យ៉ាងណាមិញ ចុងក្រោយបុរសរូបនេះក៏ត្រូវបានប៉ូលិសឃាត់ខ្លួនបាន ហើយគេរកឃើញថាបុរសនេះធ្លាប់មានពាក់ព័ន្ធជាមួយនឹងរឿងក្តីប្រើប្រាស់អាវុធ និង ថ្នាំញៀនទៀតផង។ ចំណែកករណីនេះវិញ អាជ្ញាធរនឹងត្រួតពិនិត្យ ព្រមទាំងចាត់ការទៅតាមផ្លូវច្បាប់ផងដែរ៕
ប្រភព៖ AMARINTV
