ពិតណាស់ ក្រោយបញ្ចប់បេសកកម្មសប្បុរធម៌ថ្មើងជើងដ៏អស្ចារ្យនេះទៅកាន់ខេត្តសៀមរាប មកដល់ថ្ងៃទី ៣ ខែតុលា ឆ្នាំ ២០២៥ កន្លងទៅ បវរកញ្ញា កុយ អេនណា និង សិល្បករច្រើនរូបទៀត បានចេញដំណើរទៅកាន់ប្រទេសកូរ៉េខាងត្បូង ក្នុងគោលបំណងធ្វើមូលនិធិសប្បុរសធម៌ ដើម្បីប្រមូលថវិកាជួយដល់កងទ័ពជួរមុខ។
ចំពោះដំណើរទៅដល់ប្រទេសកូរ៉េរបស់បវរកញ្ញា កុយ អេនណា និង សិល្បករខ្មែរច្រើនរូប ពិតជាទទួលបានការស្វាមគមន៍យ៉ាងកក់ក្ដៅបំផុតពីបងប្អូនពលករខ្មែរ និង បងប្អូនជនជាតិកូរ៉េផ្ទាល់ ក្នុងកម្មវិធីសប្បុរធម៌ដែលបាននាំយកថវិកាចូលរួមមូលនិធិបន្តបន្ទាប់។
ការរៀបចំកម្មវិធីប្រគំតន្រ្តីសប្បុរសធម៌របស់ សិល្បករខ្មែរជាច្រើនរូប លើទឹកដីប្រទេសកូរ៉េនេះ គឺជាការជួបជុំបងប្អូនពលករខ្មែរដែលធ្វើការនៅប្រទេសកូរ៉េក្នុងឱកាស ពិធីភ្ជុំបិណ្ឌដែលទើបរៀបចំនៅប្រទេសកូរ៉េ និង ជាកម្មវិធីបង្ហាញពីការដឹងគុណដល់វីរកងទ័ពខ្មែរដែលបានពលី ព្រមទាំងរៃអង្គាសថវិកាជួយទ្រទ្រង់ដល់កងទ័ពជួរមុខ ជនភៀសសឹក និង ក្រុមគ្រួសារវីរកងទ័ពពលីផងដែរ៕
