ជាការពិតណាស់ កន្លងមកមហាជនច្បាស់ជាបានឃើញមកហើយ ពីភាពស្និទ្ធស្នាលរបស់បេក្ខភាព Top 5 កម្មវិធី MasterChef Cambodia រដូវកាលទី ៣ កញ្ញា ប៊ុន លីនណា និង លោក សំ សុធារិទ្ធ ដោយមើលទៅលើសពីមិត្តភក្តិ។
តែយ៉ាងណាមិញ ទំនាក់ទំនងរបស់អ្នកទាំង ២ ហាក់នៅស្រពិចស្រពិលនៅឡើយ ដោយម្តងមើលទៅដូចជាគូស្នេហ៍ និង ម្តងមើលទៅដូចជាអ្នកស្គាល់គ្នាធម្មតា បើទោះជាកន្លងមក កញ្ញា ប៊ុន លីនណា ធ្លាប់និយាយចេញពីមាត់ថា លោក សុធារិទ្ធ ជាសង្សារក្តី។
ដោយឡែក ថ្មីៗនេះ កញ្ញា ប៊ុន លីនណា បានចែករំលែក Poster បេក្ខភាពប្រកួត Freshie Boys មួយរូប និង ភ្ជាប់សារថា «ជួយគាំទ្រសង្សារខ្ញុំផង K-Bee K-Bee»។ ភ្លាមនោះ គេក៏បានឃើញ លោក សុធារិទ្ធ ចូលខំមិនពាក្យតែមួយម៉ាត់ថា៖ «វ៉ាវ»។
ការខំមិនរបស់លោក សុធារិទ្ធ តែមួយម៉ាត់មែន តែកញ្ញា ប៊ុន លីនណា មិនទុកយូរ បានឆ្លើយតបថា៖ «ធ្វើលេងតើ!» ហើយការបញ្ចេញយោបល់ឆ្លើយឆ្លងរបស់អ្នកទាំង ២ បានធ្វើឱ្យអ្នកគាំទ្រថា លោក សុធារិទ្ធ ប្រចណ្ឌកញ្ញា ប៊ុន លីនណា និង ឱ្យកញ្ញា ប៊ុន លីនណា លួងលោក សុធារិទ្ធ ទៀតផង៕
