ពិតណាស់ ថ្មីៗកន្លងទៅនេះ តារាស្រី មាន សូនីតា បានធ្វើឱ្យមហាជនអ្នកគាំទ្ររបស់លើហ្វេសប៊ុកផ្ទុះចាប់អារម្មណ៍ភ្ញាក់ផ្អើល និង រំភើបអបអរខ្លាំង ខណៈបានឃើញនាងបង្ហោះរូបភាពប៉ុន្មានសន្លឹក ដែលបានបង្អួតចិញ្ចៀនពេជ្រពាក់លើដៃឆ្វេង ព្រមទាំងមានរូបភាពជាមួយបុរសម្នាក់យ៉ាងផ្អែមល្ហែម ហាក់កំពុងបង្ហាញពីទំនាក់ទំនងពិសេស ឬដំណឹងល្អ។
លើសពីនេះ កញ្ញា មាន សូនីតា ក៏បានបង្ហាញវីដេអូសកម្មភាពនៃការណាត់ជួបញ៉ាំអាហារយ៉ាងរ៉ូមែនទិចរវាងនាង និង បុរសរូបសង្ហាអាថ៌កំបាំងម្នាក់នោះ ព្រមទាំងមានសកម្មភាពសុំជង្គង់ពាក់ចិញ្ចៀនសុំរៀបការយ៉ាងរំភើបទៀតផង។
ចំពោះការបង្ហោះនេះ កញ្ញា មាន សូនីតា ក៏មិនបានបង្ហាញមុខមាត់បុរសរូបសង្ហាក្នុងសកម្មភាពដ៏ផ្អែមល្ហែមជាមួយនាងច្បាស់នៅឡើយ ព្រមទាំងក៏ពុំបានបញ្ជាក់ថាអ្នកទាំងពីរត្រូវជាអ្វីនឹងគ្នាដែរ ដោយគ្រាន់តែនាងសរសរភ្ជាប់ជាមួយសារថា ៖ «អរគុណសម្រាប់គ្រប់យ៉ាង», «អរគុណសម្រាប់អារម្មណ៍ដ៏ពិសេសមួយនេះ»។
ក្រោយឃើញការបង្ហោះនេះដែរ មហាជនអ្នកគាំទ្រលើហ្វេសប៊ុក ក៏ដូចជាអ្នកសិល្បៈជាច្រើន បានចែករំលែកបញ្ចេញមតិបង្ហាញក្ដីរំភើបអបអរសាទរចំពោះតារាស្រីរូបនេះ និង រងចាំដំណឹងល្អឆាប់ៗផងដែរ។
ដោយឡែក បន្ទាប់ពីផ្ទុះការចាប់អារម្មណ៍ និង អបអរខ្លាំងពីមហាជន ក៏បានឃើញកញ្ញា មាន សូនីតា បង្ហោះវីដេអូជាថ្មី និយាយបកស្រាយជុំវិញសកម្មភាពដ៏ផ្អែមល្ហែមទាំងនេះ ដោយបង្ហាញឱ្យដឹងថាគ្រាន់តែជាសកម្មភាពថតការងារប៉ុណ្ណោះ តែយ៉ាងណានាងក៏បង្ហាញការអរគុណខ្លាំងដល់បងប្អូនមហាជនចំពោះក្ដីស្រឡាញ់ និង ការអបអរដោយក្ដីរំភើបលើរឿងរ៉ាវស្នេហារបស់នាងផងដែរ៕
សូមចុចទីនេះដើម្បីទស្សនាវីដេអូ៖
