អ្នកស្រី ពាន់ ភួងបុប្ផា និង លោក ម៉ានិត កំពុងជួបទុក្ខធំ បាត់បង់មនុស្សជាទីស្រឡាញ់ម្នាក់គ្មានថ្ងៃត្រឡប់

កាលពីថ្ងៃទី ០៣ ខែវិច្ឆិកា ឆ្នាំ ២០២៥ កន្លងមកនេះ មហាជនអ្នកគាំទ្រតារាចម្រៀង Original Song ម៉ានិត ជាពិសេស អ្នកនិពន្ធដ៏ល្បីឈ្មោះ គឺលោកស្រី ពាន់ ភួងបុប្ផា បានបង្ហាញការសោកស្តាយ និង ចូលរួមរំលែកទុក្ខយ៉ាងខ្លាំង នៃការបាត់បង់សមាជិករបស់គ្រួសារអ្នកសិល្បៈខាងលើនេះ។ ក្នុងនោះដែរ សមាជិកគ្រួសារ ដែលបានទទួលមរណភាព គឺត្រូវជាប្អូនស្រីបង្កើតរបស់លោកស្រី ពាន់ ភួងបុប្ផា និង ត្រូវជាជីដូនលោក ម៉ានិត មានឈ្មោះថា លោកស្រី ពាន់ ភួងធីតា។

យ៉ាងណាមិញ នៅថ្ងៃទី ០៨ ខែតុលា ឆ្នាំ ២០២៥ នេះ ពោលគឺជាថ្ងៃបុណ្យ ៧ ថ្ងៃ នៃបុណ្យសពរបស់ប្អូនស្រី លោកស្រី ពាន់ ភួងបុប្ផានោះ មហាជន និង អ្នកគាំទ្រក្រុមគ្រួសារអ្នកសិល្បៈខាងលើ កាន់តែបង្ហាញអារម្មណ៍សោកសៅ ខណៈអ្នកម្តាយរបស់លោក ម៉ានិត បានបង្ហោះសាររៀបរាប់ពីម្តាយមីង ដែលបានលាចាកលោកទៅទាំងមិនទាន់បំពេញក្តីស្រមៃផង។

ក្នុងនោះតាមរយៈសំណេរ របស់អ្នកម្តាយលោក ម៉ានិត បានរៀបរាប់ថា៖ «ថ្ងៃនេះ ៧ ថ្ងៃម្តាយមីង ពាន់ ភួងធីតា អាយុ ៥៧ ឆ្នាំ។ ឈ្មោះក៏ពីរោះ រូបក៏ស្អាត ចិត្តក៏ប្រពៃ តែជីវិតសែនអភ័ព្វ! ក្មួយតែងបំពេញឱ្យមីងគ្រប់យ៉ាង ដែលមីងប្រាថ្នា តែនៅ ១ មីងចង់ជិះកប៉ាល់ហោះ មិនទាន់បានបំពេញ ដោយសារមីងឈឺ ១០ ឆ្នាំហើយទាំងធ្ងន់ ទាំងស្រាល ។ ចាំក្មួយ កត ទិញយន្តហោះជរ័ជូនមីង មីងថា មីងមិនមានភព្វ័ដូចស្រី កត សោះ «មីងបងស្រី កត តែ ៣ ឆ្នាំទេ» សូមឱ្យមីង ទៅកាន់ភាពសាន្តសុខកុំបីឃ្លាងឃ្លៀតឡើយ។ សូមឱ្យជាតិមុខ មីងជួបមនុស្សៗ ជួបជីវិតដែលសមប្រកបគ្រប់យ៉ាង កុំឱ្យដូចជាតិនេះ។ មីងគឺជា ចងចាំរបស់ខ្ញុំ ទុកជាការក្រើនរំឭក»៕