ពិតជាមោទនភាព ក្នុងរយៈពេល 2 ឆ្នាំជាប់ៗគ្នា ភេសជ្ជៈប៉ូវកម្លាំង ផោវើរេម (POWARAM) ត្រូវបានទទួលស្គាល់ពីគុណភាព និង រសជាតិកម្រិតស្តង់ដារអន្តរជាតិ ពីស្ថាប័នវាយតម្លៃគុណភាពអន្តរជាតិដ៏ល្បី MONDE SELECTION ក្នុងកម្មវិធីទទួលពានរង្វាន់ប្រចាំឆ្នាំ ដែលប្រព្រឹត្តិនៅទីក្រុងប្រាក សាធារណរដ្ឋឆេក។ ការបន្តឈ្នះមេដាយមាសពីរឆ្នាំជាប់ៗគ្នានេះ គឺជាសមិទ្ធផលដ៏អស្ចារ្យ និង ជាទីមោទកដល់ប្រទេសជាតិ ដែលម៉ាកសញ្ញាភេសជ្ជៈប៉ូវកម្លាំងមួយនេះអាចប្រកួតប្រជែងជាមួយនឹងម៉ាកសញ្ញាផ្សេងៗទៀតទូទាំងពិភពលោក។
គួរបញ្ជាក់ថា មេដាយមាស Monde Selection ត្រូវបានពិនិត្យវិនិច្ឆ័យយ៉ាងម៉ត់ចត់ពីស្ថាប័នវាយតម្លៃគុណភាពអន្តរជាតិ Monde Selection នេះសបញ្ជាក់ឱ្យឃើញថា ភេសជ្ជៈប៉ូវកម្លាំងផោវើរេម គឺពិតជាមានគុណភាព និង រសជាតិល្អឥតខ្ចោះស័ក្តិសមនឹងមេដាយមាសកម្រិតពិភពលោក (Gold Medal) ដែលខ្លួនទទួលបាននេះ។
យោងតាមគណៈកម្មការជំនាញ ភាពលេចធ្លោនៃភេសជ្ជៈប៉ូវកម្លាំងផោវើរេមផ្តល់នូវចំណាប់អារម្មណ៍ដ៏ប្លែកជាមួយនឹងរសជាតិឆ្ងាញ់ជូរអែម ឈ្ងុយក្លិនផ្លែឈើដល់ចុងច្រមុះភ្លាមៗ ហើយក្រអូបជាប់មាត់ក្រោយពិសារួច។ ការរួមបញ្ចូលដ៏ល្អឥតខ្ចោះរវាងរសជាតិជូរអែមទាំងពីរនេះផ្តល់នូវអារម្មណ៍ និង បទពិសោធនៃរសជាតិដ៏សម្បូរបែបដែលមិនអាចបំភ្លេចបាន។ ជាងនេះទៅទៀត ភេសជ្ជៈប៉ូវកម្លាំងផោវើរេម ផ្សំឡើងពីរូបមន្តពិសេស និង វីតាមីនជាច្រើនប្រភេទដែលជួយបង្កើនថាមពល ស្មារតី មុខងារខួរក្បាល ដើម្បីអានុភាពឆ្ពោះទៅភាពជោគជ័យដល់អតិថិជនរបស់ខ្លួន។
ភេសជ្ជៈប៉ូវកម្លាំង ផោវើរេម បានបេ្តជ្ញាចិត្តថានឹងបន្តអភិវឌ្ឍគុណភាព និង រសជាតិរបស់ខ្លួនឱ្យកាន់តែល្អប្រសើរបន្ថែមទៀតដើម្បីផ្តល់ជូននូវភេសជ្ជៈ កម្រិតស្តង់ដារពិភពលោកជូនប្រជាជនកម្ពុជាទូទាំងប្រទេស៕
