មហាជននិយមតាមដានជីវិតឯកជនរបស់អតីត Freshie Girl ចំណាត់ថ្នាកលេខ ២ ជំនាន់ទី ១ ឆ្នាំ ២០០២ អ្នកនាង មាស ម៉ូលីណា ច្បាស់ជាបានដឹងមកហើយ កាលពីអំឡុងចុងឆ្នាំ ២០២២ កន្លងទៅនេះ ពិធីការិនីរូបនេះបានបើកបង្ហាញចំណងស្នេហ៍ថ្មី ក្រោយពីអ្នកនាងបានស្ពាយឈ្មោះជាមេម៉ាយ និង មានបន្ទុកមើលថែកូនប្រុស ៣ នាក់។
ក្នុងនោះ គេក៏បានដឹងថា អ្នកនាង មាស ម៉ូលីណា បានរយាលសិល្បៈតាំងពីមិនទាន់មានចំណងស្នេហ៍ទី ២ មកម្ល៉េះ ដោយពិធីការិនីរូបនេះបានយកពេលវេលាមើលថែចិញ្ចឹមបីបាច់កូនប្រុសទាំង ៣ របស់អ្នកនាង។
ដោយឡែក ងាកមកកាន់រូបសម្រស់ឯណោះវិញ អតីតពិធីការិនីរូបនេះ ត្រូវបានអ្នកគាំទ្រចាត់ទុកថា ជាតារាស្រីសាច់ចាំ ក៏ព្រោះសម្រស់របស់ អ្នកនាង មាស ម៉ូលីណា គឺនៅតែក្មេង និង ស្រស់ស្អាតដដែល ហាក់ដូចជាមិនចេះចាស់សោះ។ ម្យ៉ាងវិញទៀត បើក្រឡេកទៅអំឡុងពេលប្រកួត Freshie Girl កាលពីឆ្នាំ ២០០២ ពោលគឺកាលពីប្រមាណ ២២ ឆ្នាំមុន និង បច្ចុប្បន្ន អ្នកនាង មាស ម៉ូលីណា គឺកាន់តែស្អាតជាងមុនទៅទៀត៕
