នៅថ្ងៃទី ២៦ ខែមិថុនា ឆ្នាំ ២០២៥ នេះ តាមរយៈគណនីហ្វេសប៊ុករបស់លោកជំទាវ ឡងឌី សាន់ណារ៉ា រដ្ឋលេខាធិការ ក្រសួងវប្បធម៌ និង វិចិត្រសិល្បៈ បានជម្រាបដំណឹងគួរឱ្យបារម្ភមួយ ពីស្ថានភាពសុខភាពរបស់នាដការបាំ រមែងដើរតួព្រះបាទជ័យវរ្ម័នទី ៧ កញ្ញា ដារីយា។
ក្នុងនោះដែរ លោកជំទាវ ឡងឌី សាន់ណារ៉ា បានជម្រាបឱ្យដឹងថា៖ «កញ្ញា ដារីយា ឬគេតែងហៅថា តួព្រះបាទជ័យវ័រ្មនទី ៧ មានជំងឺជាទម្ងន់ បានសម្រាកព្យាបាលនៅមន្ទីរពេទ្យលោកសង្ឃប៉ុន្មានថ្ងៃ តែថ្ងៃនេះក្រុមគ្រួសារសម្រេចចិត្តបញ្ជូនតាមរថយន្តល្បើនលឿន ទៅព្យាបាលបន្តនៅប្រទេសវៀតណាម។ អាណិតណាស់ ជានាដការបាំបុរាណទើបមានអាយុ ១៦ ឆ្នាំ ស្លូតបូត ជាសិស្សសាលាមធ្យមវិចិត្រសិល្បៈ ដែលមានដុងពីកំណើត ត្រូវមកប្រឈមនឹងជំងឺជាច្រើនមុខ ហើយគ្រួសារមានជីវភាពលំបាកខ្លាំង។ សូមអរគុណលោកជំទាវ តែ សុវណ្ណី ឧត្ដមភរិយាលោកអ្នកឧកញ៉ា លាង ឃុន ក្រុមប្រឹក្សាភិបាលក្រុមហ៊ុនជីបម៉ុង ដែលបានជួយឧបត្ថមប្រាក់ចំនួន $ ២០០០ សូមអរគុណលោកជំទាវណាស់។ សូមឱ្យដំណើរទៅព្យាបាលនៅវៀតណាមរបស់ ដារីយា ប្រកបដោយសេចក្តីសុខសុវត្ថិភាព និង ឆាប់បានជាសះស្បើយវិលត្រឡប់មកវិញណាក្មួយណា»។
ក្រោយទទួលបានដំណឹងខាងលើហើយ មហាជនអ្នកលេងបណ្តាញសង្គមជាច្រើន បានចូលរួមរួមជូនពរ និង សូមឱ្យនាដការរបាំ កញ្ញា ដារីយ៉ា បានជាសះស្បើយផងដែរ៕
