ជារឿងដ៏គួរឱ្យសង្វេគ និង សោកសង្រេងជាទីបំផុត ដែលប៉ូលីសការពារព្រំដែនខេត្តព្រះវិហាតំបន់មុំបីម្នាក់ បានបាត់បង់សមាជិកគ្រួសារដល់ទៅ ៤ នាក់ជាបន្តបន្ទាប់ រួមមានភរិយា និង កូនៗ ដែលសូម្បីតែដង្ហើមចុងក្រោយក៏មិនអាចទៅទាន់ ព្រោះរវល់ការពារជាតិមាតុភូមិ ដែលបច្ចុប្បន្នសមាជិកគ្រួសារសល់ត្រឹមតែកូនស្រី ១ នាក់ប៉ុណ្ណោះ។
តាមប្រភពព័ត៌មាន បានបញ្ជាក់នៅថ្ងៃទី ០៧ ខែកក្កដា ឆ្នាំ ២០២៥ ឱ្យបានដឹងថា ប៉ូលីសការពារព្រំដែនខេត្តព្រះវិហារតំបន់មុំបីរូបនេះ បានបាត់បង់គ្រួសារជាបន្តបន្ទាប់ បន្សល់ត្រឹមកូនស្រីម្នាក់ចុងក្រោយប៉ុណ្ណោះ ដោយលោកបានបាត់បង់ភរិយា និង កូនៗ ៣ នាក់ ទៅតាមកាលបរិច្ឆេទដូចខាងក្រោម ៖
– កូនប្រុសទី ១ បានបាត់បង់ជីវិត នៅថ្ងៃទី ១៩ ខែមេសា ឆ្នាំ ២០២៤
– ភរិយាបានឆ្លងទន្លេស្លាប់ និង កូនក្នុងផ្ទៃ នៅថ្ងៃទី ២០ ខែមេសា ឆ្នាំ ២០២៤
– កូនចុងក្រោយ បានបាត់បង់ជីវិត នៅថ្ងៃទី ០២ ខែកក្កដា ឆ្នាំ ២០២៥។
យ៉ាងណាមិញ តាមប្រភពព័ត៌មានបានឱ្យដឹងថា បន្ទាប់ពីបានបាត់បង់កូនចុងក្រោយនាពេលថ្មីៗនេះ គឺលោកប៉ូលិសការពារព្រំដែនខេត្តព្រះវិហាររូបនេះ មិនបានភ្លេចកាតព្វកិច្ចការពារជាតិនោះទេ ពេលនេះលោកកំពុង នៅតំបន់ជួរមុខការពារព្រំដែននៅឡើយ ដោយកូនស្រីតែម្នាក់ចុងក្រោយរបស់លោក បានផ្ញើយាយតាឱ្យជួយមើលថែ៕
ប្រភព ៖ Tep Pon
