ពិតណាស់ ស្របពេលកំពុងក្ដោបបានទីផ្សារកាន់តែខ្លាំង ស្នាដៃបទចម្រៀងថ្មីៗក៏កំពុងផ្ទុះការគាំទ្រ ថ្មីៗនេះ តារាចម្រៀងស្រី ពេជ្រ សូលីកា បានធ្វើឱ្យមហាជនអ្នកគាំទ្រភ្ញាក់ផ្អើល ខណៈបានឃើញនាងប្រកាសសុំលុបចោលកម្មវិធីលើឆាកតន្រ្តីផ្សេងៗ រយៈពេល ១ ខែ ដើម្បីសម្រាកលម្ហែខួរក្បាល។
ក្នុងនោះ តាមរយៈការបង្ហោះ Caption លើ Story ហ្វេសប៊ុក អ្នកនាង ពេជ្រ សូលីកា បានសរសេររៀបរាប់ថា ៖ «សុំ Cancel Event ទាំងអស់ ១ ខែសិន សុំលម្ហែខួរក្បាលបន្តិច រូបដែលត្រូវផុសឱ្យ Client នៅផុសធម្មតា»។
បន្ទាប់ពីប្រកាសផ្អាកចេញច្រៀងនេះដែរ រំលង ១ ថ្ងៃ ក៏បានឃើញតារាចម្រៀងស្រី ពេជ្រ សូលីកា បង្ហាញសកម្មភាពធ្វើដំណើរជាមួយកូនប្រុសបណ្ដូលចិត្តចេញទៅក្រៅប្រទេស ដែលអាចជាដំណើរកម្សាន្តលម្ហែចិត្ត និង ចំណាយពេលវេលានៅជិតមើលថែកូនប្រុសផងដែរ។
ក្នុងនោះ តាមរយៈការបង្ហោះរូបភាពនៃសកម្មភាពផ្សេងៗលើ Story ហ្វេសប៊ុកបានឱ្យដឹងថា ពេលនេះ អ្នកនាង ពេជ្រ សូលីកា បាននាំកូនប្រុសទៅដើរកម្សាន្តដល់ទឹកដីទីក្រុងឌូបៃ នៃប្រទេសអារ៉ាប់រួមហើយ៕
