និយាយពីតារាសម្ដែងស្រី សាំង ភស្ដា មហាជនអ្នកគាំទ្រជាច្រើនសុទ្ធសឹងតែបានជ្រាបហើយនូវភាពល្បីល្បាញរបស់អ្នកនាង តាមរយៈស្នាដៃសម្ដែងជាតួស្រីក្នុងភាពយន្តរឿងបុរាណខ្មែរព្រឺព្រួចដ៏ល្បីមួយ គឺរឿង «ខ្មោចដើមចេកជ្វា» តាំងពីអំឡុងឆ្នាំ ២០០៥ នោះ។
បន្ទាប់ពីបានសម្ដែងរឿងបុរាណខ្មែរល្បីៗប៉ុន្មានរឿងក្នុងជំនាន់នោះ តារាសម្ដែងស្រី សាំង ភស្ដា ក៏បាត់មុខពីវិស័យសិល្បៈមួយរយៈធំ ក្រោយពីបានរៀបការសាងគ្រួសារមួយដ៏មានសុភមង្គល ដោយមិនឃើញវត្តមានអ្នកនាងសម្ដែងដូចមុន ដែលធ្វើឱ្យប្រិយមិត្តអ្នកគាំទ្រនឹករឭកដល់អ្នកនាងយ៉ាងខ្លាំង។
យ៉ាងណា ប៉ុន្មានឆ្នាំចុងក្រោយនេះ តារាសម្ដែងស្រី សាំង ភស្ដា ក៏បានលេចមុខសាជាថ្មី និង សាងប្រជាប្រិយភាពឡើងវិញ ដោយបានឃើញវត្តមានរបស់អ្នកនាងសម្ដែងភាពយន្តខ្មែរទាំងសម័យ និង បុរាណថ្មីៗជាបន្តបន្ទាប់ ដើរជាតួអង្គម្ដាយ និង តួអង្គផ្សេងៗ ព្រមទាំងត្រូវបានអញ្ជើញចូលរួមកម្មវិធីកិច្ចសម្ភាសជាច្រើនផងដែរ។
លើសពីនេះ ក្រោយវិលចូលសិល្បៈវិញមួយរយៈធំ មកដល់ថ្មីៗនេះ តារាសម្ដែងជើងចាស់ដ៏មានបទពិសោធន៍រូបនេះ កាន់តែក្ដោបបានប្រជាប្រិយភាពខ្លាំងឡើង និង កំពុងឆក់បានការចាប់អារម្មណ៍ចែករំលែកគាំទ្រខ្លាំងពីសំណាក់មហាជនលើបណ្ដាញសង្គមចំពោះស្នាដៃសម្ដែងរបស់អ្នកនាង។
ជាពិសេស ខណៈបានឃើញតារាសម្ដែងស្រីរូបនេះ បង្ហាញវត្តមានជាថ្មីក្នុងភាពយន្តដដែល គ្រាន់តែកែប្រែជាភាពយន្តខ្នាតធំក្នុងឆ្នាំ ២០២៥ នេះ គឺរឿង «ខ្មោចដើមចេកជ្វា ២០២៥» ក្នុងតំណែងជាតួឯកស្រីដដែល ដោយកំពុងដំណើរការសម្ដែង និង ត្រៀមចាក់បញ្ចាំងនៅគ្រប់រោងភាពយន្តខ្មែរឆាប់ៗខាងមុខនេះ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
