បើនិយាយដល់អ្នកឧកញ៉ាល្បីនៅក្នុងប្រទេសកម្ពុជា ដែលជាគ្រួសារអភិជនកំពុងក្ដោបក្ដាប់ក្រុមហ៊ុន ជីបម៉ុង គ្រុប ប្រាកដណាស់ គេនឹងនឹកឃើញដល់អ្នកឧកញ៉ា លាង ម៉េង មិនខាន ដោយអ្នកឧកញ៉ាគឺជាសហស្ថាបនិក និងជាប្រធានក្រុមហ៊ុន ជីប ម៉ុង គ្រុប ដែលជាក្រុមហ៊ុនដ៏ធំមួយនៅក្នុងប្រទេសកម្ពុជា ដែលត្រូវបានគេស្គាល់ថាជាកូនប្រុសរបស់ អ្នកឧកញ៉ា ភាព ហៀក ដែលជាស្ថាបនិកក្រុមហ៊ុន ជីប ម៉ុង និង ជាប្អូនប្រុសបង្កើតរបស់ លោកអ្នកឧកញ៉ា លាង ឃុន។
អ្នកឧកញ៉ា លាង ម៉េង បានប្រឡូកក្នុងវិស័យជំនួញតាំងពីឆ្នាំ ១៩៩៣ មកម្ល៉េះ ដោយមកដល់បច្ចុប្បន្ន ក្រុមហ៊ុនដ៏ធំរបស់ក្រុមគ្រួសារអ្នកឧកញ៉ា មានបុត្រសម្ព័ន្ធជាច្រើនដូចជាសំណង់ និង អចលនទ្រព្យ, ផ្សារទំនើប, សណ្ឋាគារលំដាប់ផ្ដាយ៥, ក្រុមហ៊ុនភេសជ្ជៈ, រោងចក្រឧស្សាហកម្ម និង ក្រុមហ៊ុនជាច្រើនទៀតកំពុងដំណើរការទាញប្រាក់ចំណូលច្រើនសម្បើម ដែលធ្វើឱ្យគ្រួសារលំដាប់អភិជនមួយនេះ កាន់តែមានឈ្មោះបោះសំឡេងក្នុងវិស័យជំនួញ។
ទន្ទឹមនឹងការគ្រប់គ្រងក្រុមហ៊ុនប្រចាំគ្រួសារដ៏ច្រើនសន្ធឹកនេះ អ្នកឧកញ៉ា លាង ម៉េង ក៏មានយុត្តិសាស្រ្តផ្ទាល់ខ្លួន ដើម្បីគ្រប់គ្រងបុគ្គលិករាប់ពាន់ម៉ឺននាក់ដែលស្ថិតនៅក្រោមបង្គប់ ឱ្យប្រកបដោយគោលការណ៍ត្រឹមត្រូវច្បាស់លាស់សម្រាប់ខ្លួនឯង ដើម្បីធានាបាននូវគុណភាពការងារសម្រាប់បន្តចំណេះជំនាញរបស់ខ្លួនក្នុងការប្រកបកិច្ចការងារផ្សេងៗ ដែលជាដំណើរឆ្ពោះទៅមុខតកូនចៅផងដែរ។
តាមរយៈវីដេអូមួយ អ្នកឧកញ៉ា លាង ម៉េង បានមានប្រសាសន៍ពីការគ្រប់គ្រងបុគ្គលិកក្រោមបង្គប់ទាំងអស់ ដើម្បីបណ្ដុះបណ្ដាលឱ្យពួកគេមានចំណេះជំនាញកាន់តែខ្លាំងពូកែទៅៗ ដោយការកំណត់វិន័យចំពោះបុគ្គលិកឱ្យបានតឹងរ៉ឹង មិនថាចំពោះម៉ោងធ្វើការ ឬ កិច្ចការងារផ្សេងៗ ព្រោះអ្នកឧកញ៉ា មានមហិច្ឆតាចង់ឱ្យបុគ្គលិកក្រោមបង្គប់ទទួលបាននូវអនាគតល្អមិនថាប្រាក់ចំណូល ឬ តួនាទីនោះទេ៕
សូមចុចទីនេះ ដើម្បីទស្សនាវីដេអូ ៖
Pictures to right owner
