ជាការពិតណាស់ ក្រោយពីការបង្ហាញវត្តមានដ៏កក្រើកនៅលើឆាកអន្តរជាតិរបស់អ្នកនាង ទេព បូព្រឹក្ស នៅក្នុងកម្មវិធី Round Festival 2025 នៅឯប្រទេសម៉ាឡេស៊ីហើយនោះ អ្នកគាំទ្រ និង ប្រជាជនកម្ពុជាច្រើន បានបង្ហាញអារម្មណ៍យ៉ាងមោទកភាព ដែលតារាស្រីកម្ពុជារូបនេះបានពាំនាំយកការសម្ដែងទស្សនីយភាពសិល្បៈខ្មែរច្រើនទម្រង់បែបសហសម័យទៅសម្តែង។
យ៉ាងណាមិញ ងាកត្រឡប់ក្រោយបន្តិចវិញ នៅក្នុងកម្មវិធី Round Festival នេះ មិនមែនជាលើកដំបូងនោះទេ ដែលសិល្បករកម្ពុជាបានឡើងទៅសម្តែង ពោលគឺឆ្នាំ ២០២៥ នេះ គឺជាឆ្នាំទី ៣ ហើយ ដែលសិល្បករកម្ពុជាបានកាន់ទង់ជាតិ និង ពាំនាំការសម្តែងដ៏អស្ចារ្យទៅបង្ហាញ។
១. Round Festival 2023
នៅឆ្នាំ ២០២៣ អ្នកនាង មាស សុខសោភា, លោក ចេន និង សមាជិកក្រុម Nevrmind BAND បានទៅចូលរួមសម្តែងនៅប្រទេសឥណ្ឌូនេស៊ី។
២. Round Festival 2024
នៅឆ្នាំ ២០២៤ តារាចម្រៀង Original Song ចិត្ត កញ្ចនា បានបង្ហាញវត្តមានក្នុងកម្មវិធី Round Festival 2024 ជាច្រើនប្រទេសរួមមាន ប្រទេសកូរ៉េ និង ប្រទេសឡាវ។
៣. Round Festival 2025
នៅឆ្នាំ ២០២៥ នេះ កម្ពុជា បានធ្វើឱ្យឆាក Round Festival កាន់តែកក្រើក ខណៈ អ្នកនាង ទេព បូព្រឹក្ស បានពាំនាំទស្សនីយភាពរបាំបុរាណ និង ការសម្តែងពីនាដការរបាំជាច្រើននាក់លើឆាកនាប្រទេសម៉ាឡេស៊ី៕
