និយាយពីតារាចម្រៀងស្រី ពេជ្រ សូលីកា មួយរយៈក្រោយនេះ មហាជនសុទ្ធសឹងតែជ្រាបពីការងារសិល្បៈរបស់នាង កំពុងក្ដោបបានប្រជាប្រិយភាពកាន់តែខ្លាំង និង មានសន្ទុះទីផ្សារហក់ឡើងមិនធម្មតា ដែលតែងឃើញវត្តមានរបស់នាងចូលរួមកម្មវិធីប្រគំតន្រ្តីតូចធំហូរហែ ទាំង Pub, Club និង កម្មវិធីមង្គលលផ្សេងៗ។
ចំពោះការក្ដោបបានទីផ្សារខ្លាំងនេះដែរ ក្រឡេកមើលស្នាដៃបទចម្រៀងរបស់អ្នកនាង ពេជ្រ សូលីកា កាន់តែឆក់បានការចាប់អារម្មណ៍គាំទ្រខ្លាំង ខណៈមួយរយៈថ្មីនេះ នាងបានបញ្ចេញស្នាដៃបទចម្រៀងថ្មីៗបន្តបន្ទាប់ សុទ្ធសឹងតែពេញនិយមផ្ទុះការគាំទ្រពេញចិត្ត ជាពិសេសបទចម្រៀងមនោសញ្ចេតនា ស្នេហា កម្សត់ឈឺចាប់ ចាក់ដោតអារម្មណ៍អ្នកគាំទ្រជាច្រើនចូលចិត្តស្ដាប់។
ជាក់ស្ដែង បន្ទាប់ពីចេញចម្រៀងសេដៗប៉ុន្មានបទក្រោយដូចជា «ខ្ញុំសម្ដែង» «សេរីភាពបង» មិនទាន់ធ្វើឱ្យអ្នកគាំទ្រស្ដាប់សេដតាមអស់ចិត្តផង ពេលនេះ ពេជ្រ សូលីកា ក៏ត្រៀមចេញស្នាដៃបទចម្រៀងថ្មីមួយបទទៀត បែបមសញ្ចេតនាស្នេហាឈឺចាប់ មានចំណងជើងថា «បែកគ្នាលើកនេះ»។
ជាមួយគ្នានេះ គ្រាន់តែតារាចម្រៀងស្រី ពេជ្រ សូលីកា បញ្ចេញ Poster ចំណងជើងចម្រៀងនេះភ្លាម ឃើញថាមហាជនអ្នកគាំទ្រជាច្រើនបានផ្ទុះចាប់អារម្មណ៍ចែករំលែក និង បញ្ចេញមតិបន្តបន្ទាប់ ដោយបានត្រៀមចិត្ត Sad តាមបទចម្រៀងរបស់នាងទៀតផង៕
